മുഴുവൻ മലയാളികൾക്കുള്ള ക്രെഡിറ്റ് സഖാക്കൾ കുമ്മനടിച്ചു കൊണ്ട് പോവാനുള്ള ശ്രമമാണിത്

 

വിദ്യാഭ്യാസ , ആരോഗ്യ മേഖലകളിൽ കേരളത്തെ മാതൃകയാക്കും എന്ന് ഡൽഹി മുഖ്യമന്ത്രി അരവിന്ദ് കെജ്‌രിവാൾ പറഞ്ഞതോടെ കേരളത്തിലെ സഖാക്കളും ഇടത്പക്ഷ വാർത്താമാധ്യമങ്ങളും ഈ വാർത്തക്ക് പുതിയ അർത്ഥങ്ങൾ നൽകുന്നത് കാണാൻ ഇടയായി. ഡൽഹി മുഖ്യമന്ത്രി അരവിന്ദ് കെജ്‌രിവാൾ പിണറായി സർക്കാരിനെ പുകഴ്ത്തി സംസാരിച്ചു എന്ന രീതിയിൽ ചിലർ വാർത്തകൾ സ്വയം സൃഷ്ടിച്ചു.

പക്ഷെ എന്താണ് അതിലെ വാസ്തവം ?

അരവിന്ദ് കെജ്‌രിവാൾ കേരളം എന്ന സംസ്ഥാനത്തെയാണ് പുകഴ്ത്തി പറഞ്ഞത്. കേരളത്തിന്റെ പെരുമയെ കുറിച്ചാണ് പറഞ്ഞത്. കേരളം ഇത്രയും കാലം നേടിയെടുത്ത വിദ്യാഭ്യാസ, ആരോഗ്യ മേഖലയിലെ നേട്ടങ്ങൾ കുറിച്ചാണ് പറഞ്ഞത്. വർഗീയ അജണ്ടകൾ തള്ളി കളയുന്ന മലയാളികളെ ഇച്ഛാശക്തിയെ കുറിച്ചാണ് പറഞ്ഞത്. എല്ലാ മതങ്ങളും ഒരുമയോടെ ജീവിക്കുന്ന കേരളത്തിന്റെ മതമൈത്രിയെ കുറിച്ചാണ് പറഞ്ഞത്.

ഈ നേട്ടങ്ങൾ മലയാളികൾ നേടിയെടുത്തത് മലയാളിയുടെ ഇച്ഛാശക്തി കൊണ്ടാണ്. ഈ നേട്ടങ്ങൾ എല്ലാം പതിറ്റാണ്ടുകൾ ആയി മലയാളികൾ കാത്ത് സൂക്ഷിക്കുന്നത് ഓരോ മലയാളിയുടെയും ചങ്കുറപ്പ് കൊണ്ടാണ്. അല്ലാതെ ഒരു പിണറായി വിജയൻ സർക്കാരിന്റെ നേട്ടമായി കെജ്‌രിവാൾ എവിടെയും ഇന്നലത്തെ പ്രസംഗത്തിൽ പറയുന്നില്ല.
ഇടത്പക്ഷത്തിന്റെ കഴിവ് കൊണ്ടു മാത്രമാണ് കേരളം ഈ നേട്ടങ്ങൾ എല്ലാം കൈവരിച്ചത് എന്ന് സി.പി.എമ്മുകാർ അവകാശപ്പെടുന്നുവെങ്കിൽ 35 വർഷം തുടർച്ചായി ഇടത്പക്ഷം ഭരിച്ച പശ്ചിമബംഗാൾ ഇന്ന് എവിടെ എന്ന് തിരിച്ചു ചോദിക്കാൻ ഉണ്ട്. 35 വർഷം ഇടതുപക്ഷ സർക്കാർ ബംഗാളിൽ എന്തൊക്കെ നേട്ടങ്ങൾ ആണ് ഉണ്ടാക്കിയത് എന്ന് സഖാക്കൾ പറയേണ്ടി വരും..പറയാൻ ഉത്തരം കാണില്ല കമ്മ്യൂണിസ്റ്റ് നേതാക്കൾക്കും അവരുടെ അണികൾക്കും.

അഴിമതിക്കെതിരെ സന്ധിയില്ലാ പോരാട്ടം നടത്തുന്ന വ്യക്തിയാണ് അരവിന്ദ് കെജ്‌രിവാൾ എന്ന ആം ആദ്മി പാർട്ടി നേതാവ്. അഴിമതി നടത്താൻ ശ്രമിച്ച മന്ത്രിയെ ഒരു കാലതാമസവും ഇല്ലാതെ മന്ത്രിസഭയിൽ നിന്നും പുറത്താക്കി തന്റെ അഴിമതി വിരുദ്ധ പോരാട്ടം വെറുമൊരു വാക്കിൽ ഒതുങ്ങുന്നതല്ലെന്നു സമൂഹത്തിന് മുന്നിൽ അരവിന്ദ് കെജ്‌രിവാൾ തെളിയിച്ചു. പക്ഷെ തോമസ് ചാണ്ടിയെന്ന അഴിമതിക്കാരൻ മന്ത്രിയെ താങ്ങി നടക്കുന്ന പിണറായി വിജയന്റെ സ്ഥാനം എവിടെയാണ് ? കെജ്രിവാളും പിണറായി വിജയനും ഒരു താരതമ്യം പോലും ഇവിടെ അർഹിക്കുന്നില്ല എന്ന് കാലം തന്നെ നമ്മോട് പറയുന്നു.

“മുഴുവൻ മലയാളികൾക്കുള്ള ക്രെഡിറ്റ് സഖാക്കൾ കുമ്മനടിച്ചു കൊണ്ട് പോവാനുള്ള ശ്രമമാണിത് എന്ന് പറഞ്ഞാൽ അതിൽ തെറ്റുണ്ടാവും എന്ന് കരുതുന്നില്ല.”

Posted in Uncategorized | Leave a comment

ആം ആദ്മി പാർട്ടി വികസന വിരോധികളാണോ ?

 

Q1.
ഗെയിൽ, അതിരപ്പിള്ളി, വിഴിഞ്ഞം, ബി.ഒ.ടി ചുങ്കപ്പാത, പോലുള്ള വികസന പദ്ധതികളുമായി ബന്ധപ്പെട്ടുളള സമരങ്ങളോടൊപ്പം ആണ് ആം ആദ്മി പാർട്ടി. ആം ആദ്മി പാർട്ടി വികസന വിരോധികളാണോ ?

ഉ:

ആം ആദ്മി പാർട്ടിയുടെ വികസന കാഴ്ചപ്പാടുക മനസ്സിലാക്കാൻ ഡൽഹിയിലെ ആം ആദ്മി സർക്കാറിന്റെ പ്രവർത്തനങ്ങളും നടപ്പിലാക്കിയിട്ടുള്ള പദ്ധതികളും ശ്രദ്ധിച്ചാൽ മതി. ഡൽഹിയി സർക്കാരിന്റെ പദ്ധതികൾക്കെതിരെ എന്തുകൊണ്ട് ജനകീയ സമരങ്ങൾ വരുന്നില്ല, odd even പോലുള്ള പരീക്ഷണങ്ങൾക്ക് പോലും ജനങ്ങൾ അനുകൂലമാണ്.
ഡൽഹിയിലെ വിവിധ ചേരികൾ ആം ആദ്മി സർക്കാർ ഇല്ലാതാക്കിയത് ജനങ്ങളെ കുടിയൊഴിപ്പിച്ചിട്ടല്ല. അവർക്ക് വേണ്ടിയുള്ള ഫ്ലാറ്റുകൾ മുൻകൂട്ടി പണിതു നൽകി അവരെ അങ്ങോട്ട് മാറ്റുകയാണുണ്ടായത്. ചുരുക്കത്തിൽ ജനങ്ങൾക്കുവേണ്ടിയുള്ള പദ്ധതികളും വികസനങ്ങളും ഒരിക്കൽപോലും അവർക്ക് മേൽ ബുദ്ധിമുട്ടുണ്ടാക്കാതെ ഒരു സമരങ്ങൾക്കും വഴിയൊരുക്കാതെ നടപ്പിലാക്കാൻ സാധിക്കും എന്ന് ആം ആദ്മി സർക്കാർ കാണിച്ചുതന്നിട്ടുണ്ട്.

കേരളമടക്കമുള്ള വിവിധ സംസ്ഥാനങ്ങളിൽ എന്തുകൊണ്ട് ഇത്രയധികം ജനകീയ സമരങ്ങൾ ഉയർന്നു വരുന്നു എന്ന് ഇതിൽ നിന്നും മനസ്സിലാക്കാവുന്നതാണ്.

വികസന പദ്ധതികളിൽ കുടിയൊഴിപ്പിക്കലുകൾക്ക് പുറമേ പാരിസ്ഥിതിക വിഷയങ്ങളും അഴിമതിയും ജനകീയ പ്രക്ഷോഭങ്ങൾക്ക് കാരണമാകാറുണ്ട്.
നന്ദിഗ്രാം സിംഗൂർ സമരങ്ങൾ കുടിയൊഴിപ്പിക്കലുമായി ബന്ധപ്പെട്ട് ഉയർന്ന വന്നതായിരുന്നു. വിഴിഞ്ഞം തുറമുഖ പദ്ധതി ഇന്ന് കണ്ടതിൽ വച്ച് ഏറ്റവും വലിയ അഴിമതിയാണ്. മേധാ പട്കർ നേതൃത്വം നൽകുന്ന നർമദാ ബച്ചാവോ ആന്തോളൻ സമരത്തിൽ കുടിയൊഴിപ്പിക്കലുകലും പരിസ്ഥിതി വിഷയവും അഴിമതിയും ഒരുപോലെ വരുന്നുണ്ട്. അതിരിപ്പിള്ളി ജലവൈദ്യുതി പദ്ധതിക്ക് എതിരെ സമരങ്ങൾ ഉയരാൻ കാരണം പരിസ്ഥിതി നാശവും ആദിവാസി കുടിയൊഴിപ്പിക്കലുകൾ മാത്രമല്ല. സർക്കാർ മുടക്കുന്ന പണത്തിനനുസരിച്ച്, നശിപ്പിക്കപ്പെടുന്ന പരിസ്ഥിതിക്കനുസരിച്ച് ഉള്ള ഒരു ഗുണം ആ പദ്ധതിയിൽ നിന്ന് ഉണ്ടാകില്ല എന്ന് ഉറപ്പായിട്ടും ആ പണം കൊണ്ട് മറ്റു പല മാർഗങ്ങൾ നോക്കുകപോലും ചെയ്യാതെ അതിരപ്പള്ളി പദ്ധതിയുമായി മുന്നോട്ടുപോകുമെന്ന സർക്കാറിന്റെ വാശി കാരണമാണ്.

നമ്മുടെ രാഷ്ട്രീയക്കാർ പടച്ചുവിടുന്ന വികസന പദ്ധതികളിൽ മിക്കതും കൃത്യമായ ആസൂത്രണമോ കാര്യക്ഷമതയോ ശാസ്ത്രീയമായതോ അല്ല. മാത്രമല്ല ഒട്ടനവധി അഴിമതികൾ സാധ്യതകൾ ഉള്ളതാണ് താനും.

ഉദാഹരണത്തിന് എൻ എച്ച് 17ന്റെ 30 മീറ്റർ വികസനത്തിനായി ഇരുപതുവർഷം മുമ്പ് തങ്ങളുടെ വീടും കടയും സ്ഥലവും വിട്ട് കൊടുത്തവരായിരുന്നു നാം. എന്നാൽ ഇപ്പോഴും റോഡ് വികസനം യാഥാർഥ്യമായിട്ടില്ല. ഇപ്പോൾ വീണ്ടും സർക്കാർ റോഡ് 40 മീറ്റർ വീതിയിൽ പണിയാൻ പോകുന്നു എന്നു പറഞ്ഞ് അവരെ വീണ്ടും കുടിയൊഴിപ്പിക്കുന്നു. ഇതിനെതിരെ ജനകീയസമരം ഉയർന്നു വരിക സ്വാഭാവികമാണ്. അത് അവർ വികസന വിരോധികൾ ആയതുകൊണ്ടല്ല.

ഇത്തരത്തിലുള്ള സമരങ്ങൾക്ക് ആം ആദ്മി പാർട്ടി ഐക്യദാർഢ്യം പ്രഖ്യാപിക്കുകയും അവരുടെ കൂടെ സമരമുഖത്തേക്ക് ഇറങ്ങുകയും ചെയ്യുന്നു. കാരണം ജനങ്ങളെ സേവിക്കേണ്ട സർക്കാർ അവർക്കെതിരെ തിരിയുമ്പോൾ ജനങ്ങളുടെ കൂടെ നിൽക്കുക എന്നത് ജനാധിപത്യത്തിൽ അധിഷ്ഠിതമായ ഒരു രാഷ്ട്രീയപാർട്ടിയുടെയും കർത്തവ്യമാണ് എന്ന് ആം ആദ്മി പാർട്ടി വിശ്വസിക്കുന്നു അല്ലാതെ വികസന വിരോധികൾ ആയതുകൊണ്ടല്ല.

അടഞ്ഞ വികസന കാഴ്ചപാടുകളാണ് സര്‍ക്കാരുകളുടെത്. നിലവിലെ പദ്ധതികളൊന്നും വികസനത്തിന്റെ അവസാന വാക്കുകള്‍ അല്ല, ബദല്‍ മാര്‍ഗങ്ങളും, ശാസ്ത്രീയ പഠനങ്ങളും കൊണ്ട് അവ പരിസ്ഥിതിക്കും ജനങ്ങള്‍ക്കും കോട്ടം തട്ടാതെ, അഴിമതിയില്ലാതെ നടപ്പിലാക്കാന്‍ കഴിയും.
ആധുനിക മുനുഷ്യന്റെ വികസനം അങ്ങിനെയായിരിക്കണം.

Q2
ഗെയിൽ പൈപ്പ് ലൈൻ സമരത്തിൽ ആം ആദ്മി പാർട്ടി എന്തുകൊണ്ട് ജനങ്ങളുടെ കൂടെ നിൽക്കുന്നു ?

ഉ:

ഗെയിൽ വാതക പൈപ്പ്‌ലൈൻ എത്രത്തോളം സുരക്ഷിതമാണ് എന്ന് ജനങ്ങളെ ബോധ്യപ്പെടുത്താനും ഉറപ്പുവരുത്താനും സർക്കാറിന് ഇനിയും കഴിഞ്ഞിട്ടില്ല. പദ്ധതി സ്ഥലം ഉപയോഗിക്കുന്നതിലും നഷ്ടപരിഹാരം നിര്‍ണയിക്കുന്നതിലും സര്‍ക്കാരും ഗയിലും ജനങ്ങളെ വഞ്ചിക്കുകയാണ്.

വ്യക്തമായ നിയമലംഘനം ഈ പദ്ധതി നടത്തിപ്പിൽ ഉണ്ട്. 1962 ലെ സെക്ഷന് 7 എ, ബി, സി വകുപ്പുകൾ പ്രകാരം ജനവാസ മേഖലയിലൂടെയോ ഭാവിയിൽ ജനവാസ പ്രദേശമാകാൻ സാധ്യതയുള്ളിടത്തോ പൈപ് ലൈൻ സ്ഥാപിക്കാൻ പാടില്ല. കോർപ്പറേറ്റുകളുടെ ലാഭക്കൊതിയും പെട്ടെന്ന് പദ്ധതി പൂർത്തീകരിക്കാനുള്ള മാർഗവുമായാണ് നിയമം അട്ടിമറിച്ച് ജനവാസ മേഖലകളിലൂടെ നടപ്പാക്കാൻ ശ്രമിക്കുന്നത്.
ഹൈകോടതി അഭിഭാഷക സമിതിയുടെ റിപ്പോര്‍ട്ട് ഇത്
ശരി വെക്കുന്നു. ഓരോ പ്രദേശത്തെയും സുരക്ഷ മാനദണ്ഡം
ഓരോ തരത്തിലാണ്, അതീവ ജനസാന്ദ്രതയുള്ളിടത്തു എടുക്കേണ്ട
മുന്‍കരുതലുകള്‍ അധികൃതര്‍ എടുത്തിട്ടില്ല എന്ന് റിപ്പോര്‍ട്ട് വ്യക്തമാക്കുന്നു.

അങ്ങേയറ്റം കുടിവെള്ള പ്രശ്നം ഉള്ള കേരളത്തിൽ
ഒരു കുടിവെള്ള പൈപ്പ് പൊട്ടിയാൽ പോലും അത് ശരിയാക്കാൻ സർക്കാരിനുള്ള ശുഷ്കാന്തി എത്രത്തോളമാണെന്ന് ബോധ്യമുള്ള ജനങ്ങൾക്ക് തങ്ങളുടെ വീടിന്റെ അടുത്ത് കൂടെ പോകുന്ന, കത്തി പിടിക്കാൻ സാധ്യതയുള്ള ( നിലവിലെ പാചകവാതകത്തിന്റെ കത്തിപിടിക്കാനുള്ള ശേഷിയുമായി താരതമ്യം ചെയ്യുമ്പോൾ കുറവാണെങ്കിലും) എൽ.എൻ.ജി പൈപ്പ് ലൈൻ പദ്ധതിയിൽ ആശങ്ക ഉണ്ടാകുന്നത് സ്വാഭാവികമാണ്. ഇതിന് ഉത്തരവാദി സർക്കാർ തന്നെയാണ്. പല വികസന പദ്ധതികളും തല തിരിഞ്ഞതും അഴിമതി നിറഞ്ഞതും ഉപയോഗശൂന്യവും ആണെന്ന് ജനങ്ങൾക്കറിയാം. ഇതിൽ എൽ.എൻ.ജി പൈപ്പ് ലൈൻ വിഷയത്തിൽ മാത്രം ജനങ്ങൾ സർക്കാരിനെ വിശ്വസിക്കണം എന്നു പറയുന്നതിൽ യുക്തിയില്ല. പദ്ധതി നിര്‍മ്മാണം ജനങ്ങള്‍ നേരിട്ട് കണ്ടു കൊന്ടിരിക്കുന്നു. ഇതിനു മുമ്പുണ്ടായ അപകടത്തിന്റെ കാരണം പറയുന്നത് അടുപ്പ് കത്തിച്ചു, ബീഡി വലിച്ചു എന്നൊക്കെയാണ്. പിന്നെ പൈപ്പ് കൊണ്ട് പോകുന്ന ഭൂമിയിന്മേലുള്ള നിബന്ധനകളും. ഇതെല്ലാം കൂടി ആകുമ്പോള്‍ ഭയപ്പാടിലാകുന്ന ജനങ്ങളെ മറിച്ചു വിശ്വസിപ്പിക്കാന്‍ സര്‍ക്കാരിനോ ഗയില്‍ ഉദ്യോഗസ്ഥര്‍ക്കോ കഴിഞ്ഞിട്ടില്ല.

ഗെയിൽ പൈപ്പ്‌ലൈൻ പദ്ധതിയിൽ റൈറ്റ് ഓഫ് വെ ഉടമ്പടി പ്രകാരം ആണ് ഭൂമി ഉപയോഗിക്കുന്നത് എങ്കിലും, അവിടെ യാതൊരു വിധ നിർമ്മാണ പ്രവർത്തനത്തിൽ പാടില്ല എന്നും വളരെയേറെ നിബന്ധനകളോട് കൂടിയെ കൃഷി ചെയ്യാൻ പാടുള്ളൂ എന്നുമിരിക്കെ, തന്റെ ഇക്കാലമത്രയുമുള്ള ജീവിതത്തിൽ ആകെ സമ്പാദ്യമായുള്ള ഭൂമിയിൽ ഇത്രയും നിബന്ധനകൾ വരുമ്പോൾ ഭൂമിയുടെ വിലയും അവരുടെ ജീവിതത്തെയും ഇത് നേരിട്ട് ബാധിക്കുന്നു. അങ്ങിനെ ഒരു അവസരത്തിൽ ജനങ്ങൾ ഈ പദ്ധതിക്കെതിരെ സമരം ചെയ്യുന്നതിൽ അവരോട് അമർഷം കാണിക്കുന്നതിൽ കാര്യമില്ല. തുച്ഛമായ ഭൂമിയുള്ളവരെ ഈ പദ്ധതി സാരമായി തന്നെ ബാധിക്കുന്നു. സര്‍ക്കാര്‍ വാദിക്കുന്നതിനു വിപരീതമായി കിടപ്പാടം ഇല്ലാതായവരും പദ്ധതി കാരണം ഭാവി അനിശ്ചിതത്വത്തില്‍ ആയ ഒരുപാട് കുടുംബങ്ങള്‍ പ്രദേശത്ത് ഉണ്ട്.

സര്‍ക്കാര്‍ കൊടുക്കുന്ന നഷ്ട്ടപരിഹാര തുക നിശ്ചയിക്കുന്നതിലും അഴിമതിയുണ്ട്. 2014 ലെ അമെന്റ്മെന്റോട് കൂടിയ 1962 PMP ആക്റ്റ് പ്രകാരം ഒരു ഏകീകൃത തുക നഷ്ട്ടപരിഹാരമായി നിര്‍ണ്ണയിക്കാന്‍ പാടില്ല, സ്ഥലത്തിന്റെ പ്രാധാന്യം അനുസരിച്ചായിരിക്കണം മാര്‍ക്കറ്റ്‌ വില നിര്‍ണയിക്കേണ്ടത്, അതും നോടീസ് കൊടുക്കുന്ന തീയതി കണക്കാക്കി.
പക്ഷെ 2013 ലെ സര്‍ക്കാര്‍ ഓര്‍ഡര്‍ കാണിച്ചാണ് ഗയില്‍ തുക നിശ്ചയിക്കുന്നതും സ്ഥലം ഉപയോഗിക്കുന്നതും, ഇത് നിയമ വിരുദ്ധമാണ്.

ബദൽ മാർഗം അന്വേഷിക്കാതെ അതിരിപ്പിള്ളിക്ക് വേണ്ടി വാശി പിടിക്കുന്നതുപോലെ, ഗെയിൽ എൽഎൻജി പൈപ്പ് ലൈൻ പദ്ധതി യുടെ ബദൽ മാർഗങ്ങൾ ഭരണാധികാരികളും അധികൃതരും അന്വേഷിച്ചോ എന്ന് പോലും സംശയമാണ്.

ഒരു സർക്കാർ ഇടപെടലും ഇല്ലാതെ തന്നെ തങ്ങളുടെ ഭൂമി വഴിക്ക് വേണ്ടിയും മറ്റ് പദ്ധതികൾക്കും വേണ്ടിയും നഷ്ടപരിഹാരം പോലും വാങ്ങാതെ ഭൂമി വിട്ടുകൊടുത്തു ശീലമുള്ളവരാണ് അവിടുത്തെ ജനങ്ങൾ.

ഭരണാധികാരികൾ ജനങ്ങളുടെ ഭാഷ സംസാരിക്കാൻ പഠിക്കുന്നതുവരെ ഈ സമരങ്ങളുമുണ്ടാകും ആം ആദ്മി പാർട്ടി അവരോടൊപ്പവും.

Q3.

ഗെയിൽ എൽഎൻജി പൈപ്പ് ലൈൻ പദ്ധതിക്കെതിരെയുള്ള സമരം ബാഹ്യ ശക്തികൾ, തീവ്രവാദികൾ ഉണ്ടാക്കുന്നതാണ് എന്ന സർക്കാർ വാദത്തോട് ആം ആദ്മി പാർട്ടിയുടെ പ്രതികരണമെന്താണ് ?

വികസന പദ്ധതികളുടെ സ്വഭാവമനുസരിച്ച്, അവ നടപ്പിലാക്കുമ്പോൾ സർക്കാർ വരുത്തുന്ന വീഴ്ചകൾക്കനുസരിച്ച് ജനകീയ സമരങ്ങൾ ഉണ്ടായി വരിക എന്നത് സ്വാഭാവികമാണ്. കുടിയൊഴിപ്പിക്കപ്പെടും എന്ന ഭയമുള്ള, തന്റെ സ്വത്തിനും കുടുംബത്തിലും ഭീഷണിയായിട്ടുള്ള പദ്ധതികൾക്കെതിരെ ജനങ്ങൾ തെരുവിൽ ഇറങ്ങാൻ ഒരു ബാഹ്യശക്തിയുടെയോ തീവ്രവാദിയുടെയോ ആവശ്യമില്ല.
ഒരു ഘട്ടത്തിൽ ഈ സമരങ്ങളുടെ ഒപ്പം നിന്നവരാണ് ഇടതുപക്ഷ പാർട്ടികൾ. എന്നാൽ ഭരണം ലഭിച്ചപ്പോൾ അവർ അത് മനപ്പൂർവ്വം മറക്കുകയും സമരം ചെയ്യുന്ന ജനങ്ങളെ തീവ്രവാദികളെന്ന് ആക്ഷേപിക്കുകയുമാണ്.
ഈ സമരങ്ങൾ ജനകീയം അല്ല എന്ന് വരുത്തിത്തീർക്കാനുള്ള ഇടതുപക്ഷസർക്കാരിന്റെ ശ്രമങ്ങൾ ആണിതെല്ലാം.

ചെങ്ങറ – പുതുവൈപ്പിൻ – മൂന്നാർ സമരങ്ങളിൽ എല്ലാം തന്നെ ഇങ്ങനെ ബാഹ്യ ശക്തികളും തീവ്രവാദികളും ഉണ്ടെന്ന് ഇടതുപക്ഷ പാർട്ടികൾ പറഞ്ഞിരുന്നു. പ്ലാച്ചിമട സമരത്തിലും തീവ്രവാദികൾ ഉണ്ടെന്ന് ഇവർ പറഞ്ഞിരുന്നു. ആറന്മുള വിമാനത്താവളത്തിന് അന്ന് അനുമതി കൊടുത്തതും ഇതേ ഇടതുപക്ഷ സർക്കാർ ആണ്, പക്ഷേ ഭരണം ഒന്ന് കറങ്ങി വീണ്ടും കയ്യിൽ വന്നപ്പോൾ അതിനെതിരായി.
തങ്ങൾ നടത്തുന്ന സമരങ്ങൾ മാത്രമാണ് ജനകീയം എന്ന് വരുത്തിത്തീർക്കാനും മറ്റു സമരങ്ങൾ പൊളിക്കാനുള്ള ഇടതുപക്ഷ സർക്കാരിന്റെ അജണ്ടയുടെ ഭാഗമാണ് ഈ പ്രചരണങ്ങളെല്ലാം.

മലപ്പുറം ജില്ലയിലെ ജനങ്ങൾക്ക് വാക്സിൻ കുത്തിവെപ്പ് നോടുള്ള വിമുഖത ഗെയിൽ സമരത്തോട് ചേർത്തുപറഞ്ഞു ഇതെല്ലാം ബാഹ്യശക്തികളുടെ ഇടപെടൽ കൊണ്ടാണ് എന്ന് ഇടതുപക്ഷ സർക്കാർ പ്രചരിപ്പിക്കുന്നു. മലപ്പുറം പോലെയുള്ള ജില്ലകളിൽ വിദ്യാഭ്യാസം, ബാല്യ വിവാഹം, പ്രതിരോധ കുത്തിവപ്പ് ഇങ്ങനെയുള്ള സോഷ്യൽ കാമ്പയിനുകൾക്ക് സർക്കാർ ഊന്നൽ കൊടുത്തിരുന്നത് ഒരു ശക്തികളുടെയും ഇടപെടൽ കൊണ്ടായിരുന്നില്ല, പക്ഷേ അവിടുത്തെ സാമൂഹിക അവസ്ഥ കാരണമായിരുന്നു. ഇത് ഗെയിൽ സമരത്തോട് ചേർത്തു പറഞ്ഞു മലപ്പുറം ജില്ലയിലെ ജനങ്ങളുടെ വിദ്യാഭ്യാസ അവസ്ഥ ഇതുപോലുള്ള ശക്തികൾ മുതലെടുക്കുന്നു എന്നാണ് സിപിഎം ആരോപണം.

ബിജെപി രാഷ്ട്രീയ മുതലെടുപ്പിന് എപ്രകാരമാണോ മലയാളിയുടെ അഭിമാനത്തെ ആക്ഷേപിച്ചിട്ടുണ്ട് അതേ പാത തന്നെയാണ് പിണറായി വിജയനും തുടരുന്നത്. മലപ്പുറം ജില്ലയുടെ പിന്നോക്കാവസ്ഥ പെരുപ്പിച്ചും അവരുടെ സമരങ്ങളിൽ തീവ്രവാദ ബന്ധം ഉന്നയിച്ചും ഏതുവിധേനയും പദ്ധതി നടപ്പിലാക്കാനാണ് പിണറായി വിജയൻ ശ്രമിക്കുന്നത്.

Q4.

സമരങ്ങൾ ഇല്ലാത്ത വികസനം കേരളത്തിൽ സാധ്യമാണോ ?

സമരങ്ങൾ ഉണ്ടാകുന്നത് ഏത് സാഹചര്യത്തിലാണ് എന്ന സർക്കാറുകൾ മനസ്സിലാക്കിയാൽ പിന്നീട് അവിടെ സമരങ്ങൾ ഉണ്ടാകില്ല. ഒരു നാടിന്റെ വികസന പദ്ധതികൾ രൂപപ്പെടേണ്ടത് ആ നാടിന്റെ പരിസ്ഥിതി, ഭൂമി ലഭ്യത, ജനസാന്ദ്രത, പ്രകൃതി വിഭവങ്ങൾ, വാണിജ്യം, സാമ്പത്തിക ഭദ്രത എല്ലാം കണക്കിലെടുത്താണ്.

ലോകത്തെവിടെയുമുള്ള വികസനപദ്ധതികൾ അതേപടി വേറൊരു നാട്ടിൽ പറിച്ചുനടാൻ ആവില്ല. ആ നാടിന്റെ പ്രത്യേകതകൾ കണക്കിലെടുത്ത് പദ്ധതികൾക്ക് വേണ്ട മാറ്റങ്ങൾ അനിവാര്യമാണ്.

സർക്കാറുകൾ ശാസ്ത്രീയമായ പഠനത്തിനോ ആസൂത്രണത്തിന് മുതിരാതെ അഴിമതിയും കോർപ്പറേറ്റുകളുടെ ലാഭക്കൊതിയും മാത്രം പരിഗണിച്ച് നമ്മുടെ നികുതി പണം തലതിരിഞ്ഞ വികസന പദ്ധതികൾക്ക് ഉപയോഗിക്കുന്നു. ഇതിൽ നഷ്ടങ്ങൾ സംഭവിക്കുന്നു ജനങ്ങൾ സമരത്തിൽ ഏർപ്പെടുന്നു, അഴിമതിയുടെ കണക്കുകൾ മനസ്സിലായവർ നിയമയുദ്ധത്തിനും ഒരുങ്ങുന്നു.

ഇവരെയാണ് നിങ്ങൾ വികസനവിരോധികൾ എന്ന് വിളിക്കുന്നത്.

വികസനം ആർക്കു വേണ്ടിയാണ് എന്ന ബോധ്യം ആണ് ആദ്യം ഉണ്ടാകേണ്ടത്. അത് ജനങ്ങൾക്ക് അവരുടെ ജീവിതം എളുപ്പമാക്കാൻ അവരെ ദുരിതത്തിൽ നിന്ന് രക്ഷപ്പെടുത്താൻ ഉള്ളതാണെങ്കിൽ ആ പദ്ധതികൾ അവരുടെ വെള്ളം വായു മണ്ണ് ഭക്ഷണം പാർപ്പിടം സഞ്ചാരസ്വാതന്ത്ര്യം പ്രകൃതി എന്നിവ ഹനിക്കപ്പെടാതെ ഉള്ളതാകണം.

ഓരോ വികസന പദ്ധതികൾക്കും വേണ്ടി കുടിയിറക്കപ്പെടുന്നവർ അനേകം ആണ് ഇന്ത്യയിൽ. ഇതിൽ എത്രപേർക്ക് പുനരധിവാസവും അർഹമായ നഷ്ടപരിഹാരം ലഭ്യമാകുന്നുണ്ട്. ഇത് കിട്ടാത്തവരെ കുറിച്ച് ആരാണ് അന്വേഷിക്കുന്നത്. അവരുടെ സാമൂഹിക സുരക്ഷ അവരുടെ വരുമാനം വിദ്യാഭ്യാസം ഇതേക്കുറിച്ച് ഒന്നും വ്യാകുലത ഇല്ലാതെ വീണ്ടും വീണ്ടും വികസന പദ്ധതികളിൽ കൂടുതൽ ആളുകൾക്ക് കിടപ്പാടം ഇല്ലാതാകുന്നു.

നോട്ട് നിരോധനവും ജി എസ് ടി യും വികസനങ്ങൾ തന്നെയായിരുന്നു. അത് ജനങ്ങളെ എങ്ങനെ ബാധിച്ചു എന്ന് നാം ഇപ്പോൾ അനുഭവിച്ചുകൊണ്ടിരിക്കുന്നു. ഈ വികസന പരീക്ഷണങ്ങളിൽ എല്ലാം ഇരയാകുന്നത് സാധാരണക്കാരൻ ആകുമ്പോൾ മറുഭാഗത്ത് ഇതിൽ നേട്ടം കഴിയുന്ന ഒരു കൂട്ടർ ഉണ്ട് എന്നുള്ളത് സത്യമാണ്. അവർ അദാനി റിലയൻസ് വിജയ് മല്യ പോലയുള്ള കുത്തകകളും നമ്മുടെ നാട്ടിലെ ചെറിയ കോൺട്രാക്ട് വർക്കുകൾ എടുക്കുന്നവർ വരെയുണ്ട്.

നാടിന്റെ വികസനത്തിന് എന്ന പേരിൽ ജനങ്ങളെ കുടിയൊഴിപ്പിച്ച് വലിയ തുക ചെലവഴിച്ചു നടത്തിയ പല വികസന പദ്ധതികളും ഇപ്പോൾ കാടുകയറി കിടക്കുന്നത് നാം കാണുന്നുണ്ട്.

ജനനന്മക്ക് പ്രാധാന്യം കൊടുത്തു ശാസ്ത്രീയമായി ആ നാടിന്റെ പ്രത്യേകതകൾ പരിഗണിച്ച് രൂപപ്പെടുന്ന വികസന പദ്ധതികൾക്ക് ജനം കൂടെയുണ്ടാകും.

രാഷ്ട്രീയക്കാരുടെയും ജനപ്രതിനിധികളുടെയും അഴിമതിയുമായുള്ള ജനങ്ങളുടെ സംഘർഷങ്ങളാണ് സമരങ്ങൾ ആയി മാറുന്നത്.

Posted in Uncategorized | Leave a comment

Broom Revolution 2019 Androd App Launched

Aam aadmi party kerala had launched its mission for 2019 elections. New organisational structure is introduced by appointing observers for all constituencies. This android app will add to it by providing realtime database of volunteers, developed by Samir Dayal Singh. All Observers are requested to download the app. For any tech support contact quickerlime@gmail.com or aap kerala office.

Download from Playstore

Posted in Uncategorized | Leave a comment

ബിവറേജസ് ഔട്ട്‌ലറ്റുകൾ : രാഷ്ട്രീയ പാർട്ടികൾ നിലപാട് വ്യക്തമാക്കണം – ആം ആദ്‌മി പാർട്ടി

സുപ്രീം കോടതിയുടെ ഉത്തരവ് അനുസരിച് ദേശീയ പാതയുടെയും സംസ്ഥാന പാതയുടെയും ഓരങ്ങളിൽ ഉള്ള എല്ലാ മദ്യ വിൽപ്പന ശാലകളും അടച്ചു പൂട്ടണം എന്നത് പാലിക്കുന്നതിനു വേണ്ടി പല ഇടങ്ങളിലും മദ്യ വിൽപ്പന ശാലകൾ മാറ്റി സ്ഥാപിക്കാൻ ബിവറേജസ് കോർപ്പറേഷൻ നടത്തുന്ന ശ്രമത്തിനെതിരെ തദ്ദേശീയരായ ജനങ്ങൾ ശക്തമായ ചെറുത്ത് നിൽപ്പുമായി മുന്നോട്ട് വന്നിരിക്കുകയാണ്.

തിരുവനന്തപുരം ജില്ലയിൽ തന്നെ കുടപ്പനക്കുന്നിലും, നന്ദൻകോഡ് ഹോളി എയ്ഞ്ചൽസ് കോൺവെന്റിന്‌ സമീപത്ത്, പത്തനംതിട്ട ജില്ലയിൽ കോന്നിയിലും, കുറ്റൂർ ഗ്രാമപഞ്ചായത്തിലും, കൊല്ലം ജില്ലയിലെ കണ്ണനെല്ലൂരിലും, തലശ്ശേരിയിലെ കായത്തും,കോഴിക്കോട് മുക്കത്ത്, കൊച്ചിയിൽ കരിവേലിപ്പടിയിലും, ഇടുക്കിയിൽ മൂലമറ്റത്തും തുടങ്ങി നിരവധി ഇടങ്ങളിൽ ജനങ്ങൾ ശക്തമായ പ്രതിരോധമായി മുന്നോട്ട് വന്നിരിക്കുകയാണ്. ഈ പ്രതിരോധ സ്ഥലങ്ങളിൽ പഞ്ചായത്തുകൾ മിക്കപ്പോഴും ജനങ്ങളോടൊപ്പം നിക്കാൻ പ്രേരിതരാകുന്നുണ്. അങ്ങിനെ ഉള്ള സ്ഥലങ്ങളിൽ ജനങ്ങളുടെ താല്പര്യങ്ങൾ മറികടന്ന് കൊണ്ട് ഇത്തരം മദ്യ വിൽപ്പന ശാലകൾ സ്ഥാപിക്കാൻ പാടില്ല എന്ന് ആം ആദ്‌മി പാർട്ടി ആവശ്യപ്പെടുന്നു.

പ്രാദേശികമായി ജനപ്രതിനിധികളും, രാഷ്ട്രീയ നേതാക്കളും ജനക്കൂട്ടത്തിന്‍റെ സമരത്തോടൊപ്പം നിൽക്കുമ്പോൾ പോലും കേരളത്തിലെ ഭരണ പ്രതിപക്ഷ കക്ഷികൾ ബി.ജെ.പി അടക്കം ഇക്കാര്യത്തിൽ ഒരു നിലപാട് വ്യക്തമാക്കിയിട്ടില്ല. പഞ്ചായത്തീരാജിന്‍റെ ഭാഗമായി ഒരു പഞ്ചായത്തിൽ മദ്യ വിൽപ്പന ശാലകൾ വേണമോ വേണ്ടയോ എന്ന് തീരുമാനിക്കാനുള്ള അവകാശം പഞ്ചായത്തുകൾക്ക് വിട്ടു കൊടുക്കുന്ന നിയമം കേരളത്തിൽ പ്രാബല്യത്തിൽ ഇല്ല. ആ നിയമം അടിയന്തിരമായി കൊണ്ട് വരേണ്ടതുണ്ട്.
അത് ഇല്ലാത്തത് കൊണ്ടാണ് ജനങ്ങൾക്ക് ശക്തമായ പ്രക്ഷോഭം നടത്തേണ്ടി വരുന്നത്.

സ്‌കൂൾ വിദ്യാർത്ഥികളും മത പുരോഹിതരും സാമൂഹ്യ പ്രവർത്തകരും മദ്യ വിരുദ്ധ പ്രവർത്തകരും എല്ലാം ഈ പോരാട്ടത്തിന്‍റെ പിന്നിൽ അണി നിറക്കുന്നു. സ്ത്രീകളാണ് സമരത്തിന്‍റെ മുൻപന്തിയിൽ ഉള്ളത്. അത് കൊണ്ട് തന്നെ ഇക്കാര്യത്തിൽ സർക്കാർ കൃത്യമായി നയം പ്രഖ്യാപിക്കണം. ഭരണ പ്രതിപക്ഷങ്ങൾ തങ്ങളുടെ നിലപാട് വ്യക്തമാക്കണം. കേരളത്തിൽ ആകമാനം ഗ്രാമ നഗര പ്രദേശങ്ങളിൽ ജനങ്ങളെ സമരത്തിലേക്ക് വലിച്ചിഴക്കരുത് എന്ന് ആം ആദ്‌മി പാർട്ടി ആവശ്യപ്പെടുന്നു. ഇത്തരത്തിൽ നടക്കുന്ന ജനകീയ സമരങ്ങൾക്ക് പാർട്ടി എല്ലാ ഇടത്തും സമ്പൂർണ്ണ പിന്തുണ പ്രഖ്യാപിക്കുന്നു.

സീ.ആര്‍. നീലകണ്ഠന്‍
കണ്‍വീനര്‍,
ആം ആദ്മി പാര്‍ട്ടി കേരളം

Posted in Uncategorized | Leave a comment

“നോട്ടു നിരോധനത്തിനു പിന്നിലെ കള്ളക്കളികള്‍” : കെജ്രിവാളിന്റെ വാരണാസി പ്രസംഗത്തിന്റെ മലയാള പരിഭാഷ

ak-varnasi1

സുഹൃത്തുക്കളെ, ഇന്ന് ഞാന്‍ ഇവിടെ എത്തിയത് ഒരു വലിയ വിഷയം നിങ്ങളുടെ മുന്‍പില്‍ അവതരിപ്പിക്കുവാന്‍ ആണ്. ഞാന്‍ രാഷ്ട്രീയം കളിക്കാന്‍ അല്ല ഇവിടെ എത്തിയത്, വോട്ട് ചോദിക്കാനുമല്ല. വോട്ടു ചോദിക്കാന്‍ ആയിരുന്നു എങ്കില്‍ ആം ആദ്മി പാര്‍ട്ടി തിരഞ്ഞെടുപ്പിനെ നേരിടുന്ന ഗോവയില്‍ അല്ലെങ്കില്‍ പഞ്ചാബില്‍ ആണ് ഞാന്‍ ഇപ്പോള്‍ ഉണ്ടായിരിക്കേണ്ടത്.  ഇന്ന് ഞാന്‍ നിങ്ങളുടെ മുന്‍പില്‍ എത്തിയത് നമ്മുടെ രാജ്യത്തെ രക്ഷിക്കാന്‍ വേണ്ടി അപേക്ഷിക്കാനാണ്‌.

പ്രധാനമന്ത്രി ശ്രീ നരേന്ദ്രമോദിജി കള്ളപ്പണവും അഴിമതിയും തടയാന്‍ എന്ന വ്യാജേന കൊണ്ട് വന്ന നോട്ടു നിരോധന നിയമം രാജ്യത്തെ ജനങ്ങളെ മുഴുവനും പരിഭ്രാന്തിയില്‍ ആക്കിയിരിക്കുകയാണ്. ജനങ്ങളുടെ ബിസിനസ്‌ ഇല്ലാതായികൊണ്ടിരിക്കുകയാണ്, ജോലി ഇല്ലാതെ ആവുകയാണ്, വീട്ടില്‍ കഴിക്കാന്‍ ഒന്നും ഇല്ലാതെ ആവുകയാണ്.
ഞാന്‍ ഈ കഴിഞ്ഞ ദിവസം പഞ്ചാബില്‍, അമൃത്‌സര്‍ എന്ന സ്ഥലത്തെ ഒരു ഗ്രാമത്തില്‍ പോയിരുന്നു. അവിടെ ഒരു കര്‍ഷകന്‍ അവന്‍റെ ജീവിതം മുഴുവന്‍ജോലി ചെയ്തു കുറച്ചു  കാശ് കൂട്ടിവെച്ചിരുന്നു. അഞ്ചുലക്ഷം രൂപ അദ്ദേഹം ബാങ്കില്‍ നിക്ഷേപിച്ചിരുന്നു. മകളുടെ വിവാഹം അടുത്ത് വന്ന സമയത്താണ് നോട്ടു നിരോധന നിയമം വന്നത്. മകളുടെ കല്യാണത്തിന് വേണ്ടി കാശ് എടുക്കാന്‍ ബാങ്കില്‍ പോയി, മാനേജര്‍ തരില്ല എന്ന് പറഞ്ഞു. അടുത്ത ദിവസം വീണ്ടും പോയി. പ്രധാനമന്ത്രി പറഞ്ഞിട്ടുണ്ട് കല്യാണത്തിന് വേണ്ടി 2.5 ലക്ഷം രൂപ വരെ ബാങ്കില്‍ നിന്നും കിട്ടുമെന്നു പക്ഷെ മാനേജര്‍ രണ്ടായിരം രൂപ എടുത്ത് ഇദ്ദേഹത്തിന്റെ കൈകളില്‍ കൊടുത്തു. എന്നിട്ട് പറഞ്ഞ കാരണം ബാങ്കില്‍ ആകെ മൂന്നു ലക്ഷമേ ഉള്ളു, നിങ്ങള്‍ക്ക് 2.5 ലക്ഷം തന്നാല്‍ ബാക്കിയുള്ളവര്‍ക്ക് എന്ത് എടുത്തു കൊടുക്കും. മൂന്നാമത്തെ ദിവസം ഈ പാവം മനുഷ്യന്‍ തന്‍റെ മകളെയും കൊണ്ട് മാനേജറിനെ കണ്ടു കാലു പിടിച്ചു കരഞ്ഞുകൊണ്ട് അപേക്ഷിച്ചു. കാശ് കിട്ടിയില്ലെങ്കില്‍ എന്റെ മകളുടെ കല്യാണം മുടങ്ങി പോകും എന്നു പറഞ്ഞു. മാനേജര്‍ എന്ത് ചെയ്യാനാണ്. പറ്റില്ല എന്നു പറഞ്ഞു. ഈ കര്‍ഷകന്‍ തിരിച്ചു വീട്ടില്‍ വന്ന്‌ ആത്മഹത്യ ചെയ്തു. ഞാന്‍ ഒരു കാര്യം അറിയാന്‍ ആഗ്രഹിക്കുന്നു, ഈ കര്‍ഷകന്റെ വീട്ടില്‍ കള്ളപ്പണം ഉണ്ടായിരുന്നോ? ഈ അഞ്ചുലക്ഷം രൂപ കള്ളപ്പണം ആയിരുന്നോ?

രാജ്യത്തു മൊത്തം ഇതുവരെ 84 പേരോളം മരിച്ചു, എന്ന് ഉണരും നമ്മുടെ പ്രധാനമന്ത്രി. ഞാന്‍ പറയും 84 പേരും മരിച്ചത് അല്ല കൊല ചെയ്തത് ആണ്. ഇവരുടെ വീട്ടില്‍ എല്ലാം കള്ളപ്പണം ആയിരുന്നോ? ഇവരെല്ലാം അഴിമതി ചെയ്യുന്നവര്‍ ആയിരുന്നോ? ഈ 84 പേരുടെ മരണത്തിനു ആരാണ് ഉത്തരവാദി? ആരാണ് ഉത്തരവാദി? മീഡിയക്കാരോടുള്ള ഒരു അപേക്ഷ ആണ് ഈ ജനങ്ങള്‍ പറയുന്നത് നാളെ കാണിക്കുക.  ഇപ്പോള്‍ മീഡിയ കാണിക്കുന്നത് പദ്ധതി നല്ലതാണു പക്ഷെ നടപ്പിലാക്കിയ രീതി തെറ്റാണു എന്നാണ്‌. ഞാന്‍ പറയുന്നും പദ്ധതിയും മോശമാണ് ഉദ്ദേശവും മോശമാണ് നടപ്പിലാക്കിയതും മോശമായ രീതിയിലാണ്‌. ജനങ്ങളെ  തെറ്റിധരിപ്പിക്കാതിരിക്കുക , ജനങ്ങള്‍ ഭയങ്കര ദുഃഖത്തില്‍ ആണ് ഒരു ദിവസം അവരുടെ ദേഷ്യം  അണപൊട്ടിയൊഴുകാന്‍ തുടങ്ങും.

കൂട്ടുകാരെ, ഈ രാജ്യത്തിനുള്ളില്‍ അഴിമതിക്ക് എതിരെ ആദ്യമായി പോരാട്ടം  തുടങ്ങി വെച്ചത് ഞങ്ങളാണ്. ഈ രാജ്യം അതിനു സാക്ഷിയാണ്. അണ്ണാ ഹസാരെജിയുടെ കൂടെ രാംലീല മൈതാനത്തുണ്ടായിരുന്നു ഞങ്ങള്‍.  രാജ്യം മുഴുവന്‍ റോഡില്‍ ഇറങ്ങിയിരുന്നു. അണ്ണാജി ഉപവാസം ഇരുന്നു, അതിനു ശേഷം ഞാന്‍ ഉപവാസം ഇരുന്നു. കോണ്‍ഗ്രസിന്‍റെ 15 മന്ത്രിമാരുടെ അഴിമതിക്ക് എതിരായി ജന്തര്‍മന്തറില്‍ ആദ്യം 10 ദിവസം ഉപവാസം ഇരുന്നു, അതിനു ശേഷം 15 ദിവസം ഞാന്‍ ഉപവാസം ഇരുന്നിരുന്നു. ഞാന്‍ പ്രമേഹത്തിന്റെ അസുഖം ഉള്ള ആളാണ്. ഡോക്ടര്‍മാര്‍ പറഞ്ഞത് 48 മണിക്കൂറില്‍ കൂടുതല്‍ ഞാന്‍ പട്ടിണി ഇരുന്നാല്‍ ജീവിച്ചിരിക്കില്ല എന്നാണ്. ഏതോ ദൈവത്തിന്റെ അത്ഭുതം അല്ലെങ്കില്‍ കൃപ ഉള്ളത് കൊണ്ട് മാത്രമാണ് ഞാന്‍ ഇന്ന് നിങ്ങളുടെ മുന്‍പില്‍ നില്‍ക്കുന്നത് .

15 ദിവസം പട്ടിണി കിടന്നു എന്റെ ജീവന്‍ പണയപ്പെടുത്തി ആണ് ഞാന്‍ അഴിമതിക്ക് എതിരെ പോരാടിയത്. ആളുകള്‍ റോബര്‍ട്ട്‌ വാദ്രയുടെ പേര് വിളിക്കാന്‍ പേടിക്കുന്ന കാലത്ത്, റോബര്‍ട്ട്‌ വാദ്രയുടെ അഴിമതിയുടെ തെളിവുകള്‍  ഞാന്‍ രാജ്യത്തെ ജനങ്ങള്‍ക്ക് മുന്‍പില്‍ വെച്ചിരുന്നു, ഞാന്‍ പ്രസ്‌ കോണ്‍ഫറന്‍സ് നടത്തി. മുകേഷ് അംബാനിയുടെ സ്വിസ് ബാങ്ക് അക്കൗണ്ടിന്റെ നമ്പര്‍ ഞാന്‍ ജനങ്ങള്‍ക്ക് മുന്‍പില്‍ വെച്ചിരുന്നു, അനില്‍ അംബാനിയുടെ, അദ്ധേഹത്തിന്റെ മാതാവിന്റെ സ്വിസ് ബാങ്ക് അക്കൗണ്ടിന്റെ നമ്പര്‍ ഞാന്‍ ജനങ്ങള്‍ക്ക് മുന്‍പില്‍ വെച്ചിരുന്നു. എന്റെ ജീവന്‍ പണയപ്പെടുത്തി ആണ് ഞാന്‍ അഴിമതിക്ക് എതിരെ പോരാടിയത്.
ഒരു പക്ഷെ മോദിജിയുടെ ഈ പദ്ധതി കൊണ്ട് അഴിമതി ഇല്ലാതെ ആവുകയായിരുന്നുവെങ്കില്‍, കള്ളപ്പണം ഇല്ലാതെ ആവുകയായിരുന്നു വെങ്കില്‍, സഹോദരങ്ങളെ ഏറ്റവും ആദ്യം ഞാന്‍ നിന്ന് മോദി, മോദി, മോദി എന്ന് വിളിക്കുമായിരുന്നു, ഏറ്റവും ആദ്യം  ഞാന്‍ അദ്ധേഹത്തിന്റെ കൂടെ നിന്നേനെ ഇത് കൊണ്ട് അഴിമതി ഇല്ലാതെയാവുമായിരുന്നു എങ്കില്‍. ഞങ്ങള്‍ ആയിരിക്കും മോടിജിയുടെ ഏറ്റവും വലിയ നിരൂപകര്‍.

മോദിജി നല്ല കാര്യങ്ങള്‍ ചെയ്യുമ്പോള്‍ എല്ലാം ഞങ്ങള്‍ അദ്ദേഹത്തെ പ്രശംസിച്ചിരുന്നു. അദ്ദേഹം സ്വഛ് ഭാരത് പദ്ധതി തുടങ്ങിയ അന്ന്, എനിക്ക് ഇപ്പോഴും ഓര്‍മയുണ്ട് ദില്ലിയിലെ കോളനിയില്‍ ഈ പദ്ധതി തുടങ്ങിയപ്പോള്‍ മോദിജിയെ പിന്‍തുണച്ചുകൊണ്ട് ഞാന്‍ ചൂലുമെടുത്തു വൃത്തിയാക്കാന്‍  ഇറങ്ങിയിരുന്നു , മോദിജി യോഗയുടെ പ്രഖ്യാപനം നടത്തിയപ്പോള്‍  പിന്‍തുണച്ചുകൊണ്ട്ഞാന്‍ എന്റെ പായും എടുത്തു കൊണ്ട് ഇന്ത്യഗേറ്റില്‍ പോയിരുന്നു . അദ്ദേഹം സര്‍ജിക്കല്‍ സ്ട്രൈക്ക് നറ്റത്തിച്ചപ്പോള്‍ ഞങ്ങള്‍ അദ്ധേഹത്തെ സല്യൂട്ട് ചെയ്തിരുന്നു, ഞാനും പ്രധാനമന്ത്രിക്ക് സല്യൂട്ട് കൊടുത്തിരുന്നു. ഈ നോട്ട് നിരോധന പദ്ധതി കൊണ്ട് കള്ളപ്പണം ഇല്ലാതാവുക ആയിരുന്നു എങ്കില്‍ അഴിമതി ഇല്ലാതെ ആയിരുന്നു എങ്കില്‍ സഹോദരങ്ങളെ ഏറ്റവും ആദ്യം ഞാന്‍ നിങ്ങളോട് പറയുമായിരുന്നു. അഴിമതിയും, കള്ളപ്പണവും ഇല്ലാതെ ആക്കാന്‍ എന്ന വ്യാജേന ചെയ്തു ഈ നോട്ടു നിരോധനം കൊണ്ട് ഒരു പൈസയുടെ അഴിമതിയും കള്ളപ്പണവും ഇല്ലാതെ ആവില്ല. ഇത് മോദിജിയുടെ പണക്കാരായ കൂട്ടുകാരെ രക്ഷിക്കാന്‍ വേണ്ടി, മാത്രമുള്ള , ഒരു പദ്ധതിയാണ് സഹോദരങ്ങളെ. നിങ്ങളെ കാണിക്കാനായി ഇന്ന് ഞാന്‍ തെളിവുകള്‍ കൊണ്ടാണ് എത്തിയത്. മോദിജിയുടെ പണക്കാരായ കൂട്ടുകാരെ രക്ഷിക്കാന്‍ വേണ്ടി, മാത്രമുള്ള , ഒരു പദ്ധതിയാണ്  എന്നിട്ട് എല്ലാ ജനങ്ങളെയും വരിയില്‍ നിര്‍ത്തിയിരിക്കുകയാണ്.

ഇദ്ദേഹത്തിനു അഴിമതി ഇല്ലാതെയാക്കാനായിരുന്നു എങ്കില്‍ ഒന്ന് രണ്ടു വലിയ നേതാക്കന്മാരെ എന്ത് കൊണ്ട് പിടിച്ചില്ല, ഏറ്റവും കൂടുതല്‍ കള്ളപ്പണം നേതാക്കന്മാരുടെ കൈയിലാണ്, ഇവര്‍ക്ക് അഴിമതി ഇല്ലാതാക്കാനായിരുന്നു എങ്കില്‍ സ്വിസ് ബാങ്കില്‍ അക്കൗണ്ട്‌ ഉള്ളവരെ എന്ത് കൊണ്ട് പിടിച്ചില്ല. മോഡീജിയുടെ കൈയില്‍ ഒരു ഫയല്‍ ഉണ്ട്, ഞാന്‍ കണ്ടിട്ടുണ്ട്. ആ ഫയലില്‍ സ്വിസ് ബാങ്കില്‍ അക്കൗണ്ട്‌ ഉള്ള 648 ആളുകളുടെ പേരുണ്ട്. ഈ രാജ്യത്തെ ഏറ്റവും വലിയ ആളുകളുടെ പേരുണ്ട് ആ ഫയലില്‍, ആ ലിസ്റ്റില്‍ ഉള്ള മുകേഷ് അംബാനി, അനില്‍ അംബാനി, അവരുടെ മാതാവ്‌ എന്നിവരുടെ അക്കൗണ്ട്‌ നമ്പര്‍ ഞാന്‍ എല്ലാവരോടും പറഞ്ഞിരുന്നു. മോഡീജിയുടെ കൈയില്‍ 648 ആളുകളുടെ പേരുള്ള ആ ഫയല്‍ ഉണ്ട് .  കള്ളപ്പണം ഇല്ലാതാക്കാനായിരുന്നു എങ്കില്‍ ആ ലിസ്റ്റില്‍ലുള്ള ഒന്ന് രണ്ടു പേരെ അറസ്റ്റ് ചെയ്തു ജയിലില്‍ ഇട്ടാല്‍ പോരെ. അവരെ എന്ത് കൊണ്ട് പിടിക്കുന്നില്ല, കാരണം അവര്‍ മോഡീജിയുടെ കൂട്ടുകാര്‍ ആണ്.അവരെ രക്ഷിക്കാനാണല്ലോ ഈ പദ്ധതി ഉണ്ടാക്കിയിരിക്കുന്നത്.   അഴിമതി  എങ്ങിനെ ഇല്ലാതെയാക്കാം എന്ന് ഞങ്ങള്‍ ദില്ലിയില്‍ കാണിച്ചിട്ടുണ്ട്. ഞങ്ങളുടെ 49 ദിവസത്തെ സര്‍ക്കാര്‍ ഉണ്ടായ സമയത്ത്, ആരോട് വേണമെങ്കിലും ചോദിച്ചോളൂ 49 ദിവസം കൊണ്ട് ഞങ്ങള്‍ അഴിമതി ഇല്ലാതാക്കിയിരുന്നു. 49 ദിവസം കൊണ്ട് കൈകൂലി മേടിച്ച 32 ഓഫീസര്‍മാരെ പിടിച്ചു ജയിലില്‍ ഇട്ടു കഴിഞ്ഞപ്പോള്‍, മുകളില്‍ നിന്ന് താഴെ വരെ എല്ലാം നേരെയായി.  ഈ സര്‍ക്കാരിന്റെ കാലത്ത് അഴിമതി നടക്കില്ല എന്ന സന്ദേശം എല്ലാവര്‍ക്കും ലഭിച്ചു. അഴിമതി ഇല്ലാതെയാക്കാന്‍ ആണെങ്കില്‍ അഴിമതി നടത്തുന്ന ഒന്ന് രണ്ടു പേരെ എന്ത് കൊണ്ട് അറസ്റ്റ് ചെയ്യുന്നില്ല?

ഞാന്‍ ഇങ്ങോട്ട് വരുന്ന സമയത്ത് കേട്ട ഒരു വാര്‍ത്ത‍ ആണ്.  കര്‍ണാടകത്തിലെ വമ്പന്‍മാരാണ്‌ റെഡ്ഡി ബ്രദര്‍സ്, അവരുടെ ഡ്രൈവര്‍ ആത്മഹത്യ ചെയ്തു എന്ന്, എന്തുകൊണ്ട്? രണ്ടു ദിവസം കൊണ്ട് അവരുടെ 100 കോടി വെളുപ്പിച്ച വിവരം ഡ്രൈവറിന് കിട്ടിയിരുന്നു. തന്‍റെ കൂട്ടുകാരെ മോദിജി ഒന്നും ചെയ്യുന്നില്ല.  നവംബര്‍ 8ന്‌ നോട്ടു നിരോധനം പ്രഖ്യാപിച്ചപ്പോള്‍ നാലു കാര്യങ്ങള്‍ പ്രധാനമന്ത്രി പറഞ്ഞു. നോട്ടു നിരോധനം കൊണ്ട് അഴിമതി ഇല്ലാതെ ആകും, കള്ളപ്പണം ഇല്ലാതെ ആകും, തീവ്രവാദികള്‍ക്ക് പണം ലഭിക്കാതെയാകും , കള്ളനോട്ടു ഇല്ലാതാകും. സഹോദങ്ങളെ ഒരു മാസം കൊണ്ട് ഈ നാല് കാര്യങ്ങളും തെറ്റാണു എന്ന് തെളിഞ്ഞു. എനിക്ക് അന്ന് തന്നെ അറിയാമായിരുന്നു. ഞാന്‍ ഇന്‍കം ടാക്സില്‍ കമ്മിഷണര്‍ ആയി ജോലി ചെയ്തിട്ടുണ്ട്, കുറച്ചൊക്കെ കാര്യങ്ങള്‍  എനിക്ക് മനസിലാകും.

1.    500 രൂപാ നോട്ടും 1000 രൂപാ നോട്ടും ഇല്ലാതാക്കിയിട്ടു 2000 രൂപാ നോട്ടു കൊണ്ടുവന്നാല്‍ എങ്ങിനെ അഴിമതി ഇല്ലാതാകും, ? നേരത്തെ ഒരു ലക്ഷത്തിന്‍റെ കൈകൂലി കൊടുക്കേണ്ടവര്‍ക്ക്   1000 ത്തിന്‍റെ നൂറു നോട്ടു കൊണ്ടു പോകണമായിരുന്നു, മോദിജി അത് വളരെ എളുപ്പം ആക്കി 2000ത്തിന്‍റെ നോട്ടു ഇറക്കിയതിനാല്‍ ഇനി 50 എണ്ണം കൊണ്ടു പോയാല്‍ മതി. ആയിരത്തിന്റെ നോട്ട് കൊണ്ട് അഴിമതി നടത്തിയിരുന്നവര്‍ ഇപ്പോള്‍ രണ്ടായിരത്തിന്റെ നോട്ടു കൊണ്ട് അഴിമതി നടത്തുന്നു. മോദിജി നമ്മളെ വിഡ്ഢികള്‍ ആക്കുകയാണോ? അഴിമതി ഇപ്പോള്‍ രണ്ടിരട്ടി ആയി
2.    കള്ളപ്പണം സൂക്ഷിക്കുന്നവരുടെ കഷ്ടകാലം ആണ് എന്ന് പറഞ്ഞു, കള്ളപ്പണം ഇല്ലാതെ ആകും എന്ന് പറഞ്ഞു. ആരെങ്കിലും നേരത്തെ ഒരു റൂമില്‍ ആയിരത്തിന്റെ നോട്ടുകൊണ്ട് ആയിരം കോടിയുടെ കള്ളപ്പണം സൂക്ഷിച്ചിരുന്നു എങ്കില്‍  മോദിജി അത് കുറച്ചും കൂടി എളുപ്പമാക്കി കൊടുത്തു രണ്ടായിരം നോട്ടു കൊണ്ട്. ഇത് കൊണ്ട് കള്ളപ്പണം എങ്ങിനെ ഇല്ലാതെ ആകുന്നു?  അഞ്ഞൂറിന്റെയും ആയിരത്തിന്റെയും പതിനാലു ലക്ഷം കോടിയുടെ രൂപ ഉണ്ടായിരുന്നു അതില്‍ നിന്നും പന്ത്രണ്ടു ലക്ഷം കോടി ഇപ്പോള്‍ തന്നെ തിരിച്ചു എത്തികഴിഞ്ഞു എന്നാണ്‌ കേള്‍ക്കുന്നത്. എല്ലാവരും അവരുടെ കള്ളപ്പണം വെളുപ്പിച്ചു കഴിഞ്ഞു. അതുകൊണ്ട് കള്ളപ്പണവും ഇല്ലാതെ ആവുന്നില്ല
3.    പിന്നെ പറയുന്നത് തീവ്രവാദം ഇല്ലാതെ ആകും എന്ന്. ഇപ്പോള്‍ കേള്‍കുന്നു തീവ്രവാദികളുടെ കൈയിലും രണ്ടായിരത്തിന്റെ നോട്ടുണ്ടെന്ന്, കണ്ടാല്‍ തോന്നും ബിജെപിയുമായി തീവ്രവാദികള്‍ക്ക് ഒരു ഡയറക്റ്റ് ചാനെല്‍ ഉണ്ടെന്നു, അവരുടെ കൈളിലും രണ്ടായിരത്തിന്റെ നോട്ടു കണ്ടെത്തുന്നു
4.    പിന്നെ പറയുന്നു കള്ളനോട്ട് ഇല്ലാതെ ആകും എന്ന്. കഴിഞ്ഞ ഒരു മാസം കൊണ്ട് ആര്‍.ബി.ഐ നല്ല നോട്ടു അടിക്കുന്നതിനെക്കാളും കൂടുതല്‍ കള്ളനോട്ട് അവര്‍ അടിച്ചു കഴിഞ്ഞു എന്നാണ് മനസിലാക്കേണ്ടത്.  ആര്‍.ബി.ഐയ്ക്ക് നോട്ടു യന്ത്രങ്ങള്‍ തികയാതെ വരുന്നു. അത് മാത്രമല്ല കള്ളനോട്ടു പിടിച്ചതെല്ലാം ബിജെപിക്കാരുടെ കൈയില്‍ നിന്നും ആണ്.  ഇതും  സംശയത്തിനിടയാക്കുന്ന കാര്യം ആണ് .

സഹോദരങ്ങളെ ഇത് കള്ളപ്പണം ഇല്ലാതെ ആക്കാന്‍ അല്ല, അഴിമതി ഇല്ലാതെ ആക്കാന്‍ അല്ല, നമ്മളെ എല്ലാം വിഡ്ഢികള്‍ ആക്കുക ആണ്. പിന്നെ എന്തിനാണ് മോദിജി ഇത് ചെയ്യുന്നത്? ഇത് വലിയ ഒരു ചോദ്യം ആണ്. ഇനി ഞാന്‍ നിങ്ങള്‍ക്ക് മനസ്സിലാക്കി തരാം ഇത് മോദിജി തന്‍റെ വലിയ പണക്കാരായ കൂട്ടുകാരെ രക്ഷിക്കാന്‍ വേണ്ടി ചെയ്തത് ആണെന്ന്.
ഇത് എട്ടു ലക്ഷം കോടിയുടെ ഒരു അഴിമതി ആണ്. എങ്ങിനെ? നമ്മള്‍ ബാങ്കില്‍ കാശിടുന്നതിനു അനുസരിച്ച് ബാങ്ക് നമുക്ക് ലോണ്‍ തരില്ലേ അതുപോലെ ബാങ്കില്‍ നിന്നും വലിയ വലിയ കോടിപതികള്‍ക്ക് ലോണ്‍ കൊടുത്തിട്ടുണ്ട്‌. ഇതുവരെ കൊടുത്തിട്ടുള്ള ലോണില്‍ നിന്നും എട്ടു ലക്ഷം കോടിയുടെ ലോണ്‍, ഈ കോടിപതികള്‍ തിരിച്ചു അടക്കാതെ നടക്കുകയാണ്. ഇത് ഞാന്‍ പറയുന്നത് അല്ല സി.ഏ.ജി റിപ്പോര്‍ട്ട്‌, ആര്‍.ബി.ഐയുടെ റിപ്പോര്‍ട്ട്‌ മുതലായ റിപ്പോര്‍ട്ടുകളില്‍  പറയുന്നത് ആണ്. വലിയ വലിയ ശതകോടീശ്വരന്‍മാര്‍ ഈ എട്ടു ലക്ഷം കോടി തിരിച്ചു അടക്കാതെ മുങ്ങി നടക്കുകയാണ്.  മൂന്നു മാസം മുന്‍പ് സി.എ.ജി നടത്തിയ ഒരു പ്രസംഗത്തില്‍ പറഞ്ഞത് ഈ എട്ടു ലക്ഷം കോടി രൂപയില്‍ പകുതി ഈ ശതകോടീശ്വരന്മാര്‍ വിദേശത്ത് കടത്തിയിരിക്കുകയാണ് ബാക്കിയുള്ള തുക എന്തോ തട്ടിപ്പ്‌ കാണിച്ചിരിക്കുകയാണ്. ഈ കാശൊന്നും തിരിച്ചു വരാന്‍ പോകുന്നില്ല. മോദിജി ആണെങ്കില്‍ ഇവരുടെ ഈ എട്ടു ലക്ഷം കോടിയുടെ ലോണില്‍ നിന്നും ഒരു ലക്ഷത്തിപതിനായിരം കോടിയുടെ ലോണ്‍ ഇപ്പോള്‍ തന്നെ എഴുത്തിത്തള്ളിയിക്കുകയാണ്. സഹോദരങ്ങളെ നിങ്ങള്‍  വീടിന്റെ ലോണ്‍, കാര്‍ഷിക ലോണ്‍ എന്നിവ എടുക്കുമ്പോള്‍ ഒരു അടവ് തെറ്റി കഴിഞ്ഞാല്‍ നമ്മളെ കൊണ്ട് പിഴ അടപ്പിക്കും, ഞാന്‍ തെറ്റൊന്നുമല്ലല്ലോ ഈ പറയുന്നത് അല്ലെ. ഒരു അടവ് തെറ്റിച്ചാല്‍ മതി പിഴ അടപ്പിക്കും, ഇവിടെയും അങ്ങനത്തെ ഒരു പാട് പേര് കാണും. മോദിജി ആണെങ്കില്‍ ഒരു ലക്ഷത്തിപതിനായിരം കോടിയുടെ ലോണ്‍ എഴുത്തിത്തള്ളിയിക്കുന്നു. ഇവിടെ കൂടിയിരിക്കുന്നവര്‍ ഒന്ന് പറയുക ആരെയൊക്കെയാണ്‌ ആണ് മോദിജി ലോണ്‍ എഴുതിത്തള്ളി സഹായിച്ചത് ഒന്ന് കൈ പോക്കുക, ഒരാളുടെ പോലും ചെയ്തില്ലേ?

കൂട്ടുകാരെ മോടിജിയുടെ കൂട്ടുകാര്‍ കോടീശ്വരന്‍ ആണ്, ഞാന്‍ പാവങ്ങളുടെ കൂടെ ആണെന്നും ഫകീര്‍ ആണെന്നും ഒക്കെ പറഞ്ഞു നമ്മളെ വിഡ്ഢികള്‍ ആക്കുകയാണ്. നമ്മളുമായി ഒരു ബന്ധവും ഇല്ല നമ്മുടെ പൈസ കൊള്ളയടിക്കാന്‍ ഉള്ള പദ്ധതിയുമായി ഇറക്കിയിരിക്കുക ആണ്. നമ്മുടെ ലോണ്‍ ഇല്ലാതെ ആക്കില്ല, കര്‍ഷകരുടെ ലോണ്‍ ഇല്ലാതെ ആക്കില്ല, കാര്‍ മേടിച്ചവരുടെ ലോണ്‍ ഇല്ലാതെ ആക്കില്ല, പാവപ്പെട്ടവരായ ചിലര്‍ വീട് വെക്കാന്‍ ലോണ്‍ എടുത്തിട്ടുണ്ട്, കടമുറി പണിയാന്‍ ലോണ്‍ എടുത്തിട്ടുണ്ട്, ബിസിനസ്‌ ചെയ്യാന്‍ ലോണ്‍ എടുത്തിട്ടുണ്ട് അവരുടെ ഒന്നും ലോണ്‍ ഇല്ലാതെ ആക്കില്ല വലിയ വലിയ കോടീശ്വരന്മാരുടെ ലോണ്‍ മാത്രം ഒഴിവാക്കി നല്‍കും , ഞാന്‍ മോടിജിയോടു ചോദിക്കാന്‍ ആഗ്രഹിക്കുകയാണ്, ഈ കോടിപതികളില്‍  എത്ര പേര്‍ക്ക് പിഴ അടക്കാന്‍ നോട്ടീസ് കൊടുത്തിട്ടുണ്ട്‌, എത്ര പ്രാവശ്യം അവരുടെ വീട്ടില്‍ പോയിട്ടുണ്ട്, ഒന്ന് പറഞ്ഞേ…എത്ര നോട്ടീസ് കൊടുത്തിട്ടുണ്ട്‌ ഞാന്‍ അറിയാന്‍ ആഗ്രഹിക്കുന്നു. ഒരു ലക്ഷത്തിപതിനായിരം കോടിയുടെ ലോണ്‍ ഇല്ലാതെ ആക്കിയിരിക്കുക ആണ് അതുകൊണ്ട് ബാങ്കില്‍ പണമില്ല. ബാങ്കില്‍ കാശ് തിരിച്ചു കൊണ്ട് വരാന്‍ അമിത്‌ ഷായും മോഡീജിയും കൂടി കൊണ്ട് വന്ന ഒരു പദ്ധതി ആണ് ഈ നോട്ടു നിരോധനം. ഈ പദ്ധതി കൊണ്ട് വരുന്നതിനു മുന്‍പ് അവര്‍ തങ്ങളുടെ പൈസ മുഴുവനും സുരക്ഷിതമാക്കി. അമിത്‌ ഷായുടെ കൈയില്‍ ഉണ്ടായിരുന്ന കള്ളപ്പണം മുഴുവനും, ബിജെപിയുടെ കൈയില്‍ ഉണ്ടായിരുന്ന കള്ളപ്പണം മുഴുവനും സുരക്ഷിതമാക്കി. ഈ രാജ്യം മുഴുവനും അവര്‍ സ്ഥലങ്ങള്‍ മേടിച്ചിട്ടുണ്ട് പത്രങ്ങളില്‍ ന്യൂസ്‌ വരുന്നുണ്ട്. ഈ രാജ്യം മുഴുവനും അവര്‍ സ്ഥലങ്ങള്‍ മേടിച്ചു വെച്ചിട്ടുണ്ട്. തങ്ങളുടെ കാശ് സുരക്ഷിതമാക്കി, പിന്നെ തങ്ങളുടെ കൂട്ടുകാരോടെല്ലാം പറഞ്ഞു അംബാനി അദാനി തുടങ്ങിയവരോട് സഹോദരരെ 8 നവംബര്‍ ആകുമ്പോള്‍ നോട്ടുനിരോധനം ഉണ്ടാകും അതിനു മുന്‍പ് തങ്ങളുടെ കൈയില്‍ ഉള്ളതെല്ലാം സുരക്ഷിതമാക്കികൊളു എന്ന്. അവരും തങ്ങളുടെ കാശ് സുരക്ഷിതമാക്കി കുറച്ചു സ്വിസ്സ് ബാങ്കില്‍ അടച്ചു, കുറച്ചു വിദേശത്തേക്ക് മാറ്റി എന്നിട്ട് 8 നവംബര്‍ന് നോട്ടു നിരോധനത്തിന്റെ പ്രഖ്യാപനം ചെയ്തു  എല്ലാ ജനങ്ങളോടും പറഞ്ഞു നിങ്ങളുടെ നോട്ടെല്ലാം ബാങ്കില്‍ കൊണ്ട് പോയി നിക്ഷേപിച്ചോളൂ എന്ന് എല്ലാവരെയും ക്യൂവില്‍ നിര്‍ത്തിയിരിക്കുകയാണ്. ഇപ്പോള്‍ നമ്മള്‍ നിക്ഷേപിക്കുന്ന പണം കൊണ്ട് ഇവരുടെ കൂട്ടുകാരായ ശതകോടീശ്വരന്മാരുടെ, എട്ടു ലക്ഷം കോടി ലോണ്‍ എടുത്തു മുങ്ങി നടന്നവരുടെ ലോണ്‍ എഴുതിത്തള്ളും. നമ്മളെല്ലാവരും ക്യൂവില്‍ നിന്നും നമ്മളുടെ സ്വന്തം കാശ് നിക്ഷേപിക്കുമ്പോള്‍ നമ്മുടെ കാശു കൊണ്ട് ഇവരുടെ എല്ലാ ലോണും എഴുതി തള്ളും. നമ്മുടെ കാശെല്ലാം തിരിച്ചു കിട്ടും എന്ന് പോലും എനിക്ക് സംശയം ആണ്.

സഹോദങ്ങളെ ഇത് ഏറ്റവും വലിയ ഒരു അഴിമതി ആണ്.  ഞാന്‍ കള്ളം പറയുകയല്ല. കുറച്ചു ദിവസം മുന്‍പ് അവര്‍ അത് ചെയ്യുകയും ചെയ്തു. കഴിഞ്ഞ ആഴ്ച നമ്മള്‍ പാവങ്ങള്‍ ക്യൂവില്‍ നില്‍കുമ്പോള്‍ സ്റ്റേറ്റ് ബാങ്ക് 63 ശതകോടീശ്വരന്മാരുടെ ആറായിരം കോടിയുടെ ലോണ്‍ എഴുതി തള്ളി. നിങ്ങളെല്ലാവരും വിജയ മാല്യ എന്ന ആളിനെ പറ്റി കേട്ടിട്ടുണ്ടോ? ആരൊക്കെ കേട്ടിട്ടുണ്ട് ഒന്ന് കൈ പോക്കിക്കെ, എല്ലാവരും കേട്ടിടുണ്ട്. വിജയ്‌ മാല്യ മദ്യ കച്ചവടം നടത്തുന്ന ആളാണ്.  വലിയ ഫാക്ടറി ഉണ്ട്. വലിയ പണക്കാരന്‍ ആണ്. വലിയ ശതകോടീശ്വരന്‍ ആണ്. മോഡീജിയുടെ നല്ല കൂട്ടുകാരന്‍ ആണ്,  ഇദ്ദേഹത്തിന്റെ ഫോട്ടോ കണ്ടിട്ടുണ്ടാകും, നഗ്നരായ പെണ്‍കുട്ടികള്‍ക്കൊപ്പം നിന്ന് ഫോട്ടോ എടുക്കുന്ന ആളാണ്‌. വിജയ്‌ മാല്യയുടെ പേരില്‍ എണ്ണായിരം കോടി രൂപയുടെ ലോണ്‍ ആണ് ഉള്ളത്. ഒരു ദിവസം രാത്രി മോദിജി ഇദ്ദേഹത്തെ വിമാനത്തില്‍ കയറ്റി രാജ്യത്തു നിന്നും പോകാന്‍ സഹായിച്ചു. ലണ്ടനില്‍ പോയി. ഇപ്പോള്‍ അയാള്‍ ലണ്ടനില്‍ ആണ് ഇരിക്കുന്നത്. സര്‍ക്കാരിനോട് ചോദിച്ചപ്പോള്‍, സര്‍ക്കാര്‍ പറയുന്നത് അവര്‍ അറിഞ്ഞതെ ഇല്ലേന്നാണ്‌. ഹേയ്, വിമാനത്താവളത്തില്‍ സുരക്ഷാ സംവിധാനങ്ങള്‍ ഒക്കെ ഉള്ളതല്ലേ, പോലീസ് ഉണ്ട്, കസ്റ്റംസ് ഉണ്ട്, ഇമ്മിഗ്രേഷന്‍ ഉണ്ട്,  എണ്ണായിരം കോടിയുടെ ലോണ്‍ ഉള്ള ഒരാള്‍  ഒരു ദിവസം തന്‍റെ വിമാനത്തില്‍ കയറി നാട് വിട്ടു, എന്നിട്ടും മോദിജി അറിഞ്ഞില്ല എന്നാണ് പറയുന്നത്. നമ്മള്‍ വിഡ്ഢികള്‍ ആണോ? കഴുതകള്‍  ആണോ? ഈ രാജ്യം മുഴുവനും വിഡ്ഢികള്‍ ആണോ? അപ്പോള്‍ ശരി, എന്തായാലും ഓടി പോയി, ഇപ്പൊ മോദിജി പറയുന്നത് ശ്രമിക്കുകയാണെന്നാണ്‌, ലണ്ടന്‍ സര്‍ക്കാരിനോട് സംസാരിച്ചുകൊണ്ട് ഇരിക്കുക ആണ്, ഇയാളെ തിരിച്ചു കൊണ്ട് വരാനായി, നല്ലകാര്യം, എണ്ണായിരം കോടി കൊണ്ടാണ് മുങ്ങിയത്,  കഴിഞ്ഞ ആഴ്ച നമ്മളൊക്കെ ക്യൂ നിന്ന് നമ്മുടെ പൈസ ബാങ്കില്‍ അടക്കുമ്പോള്‍, അതില്‍ 1200 കോടിയുടെ വിജയ്‌ മാല്യയുടെ ലോണ്‍ എഴുതി തള്ളി ഈ സര്‍ക്കാര്‍. നിങ്ങളുടെ 1200 കോടി രൂപ, ഈ കഴിഞ്ഞ ആഴ്ച, കള്ളം പറയുക ആണോ തിരിച്ചു കൊണ്ട് വരാന്‍ ലണ്ടന്‍ സര്‍ക്കാരിനോട് സംസാരിക്കുക ആണെന്ന് പറഞ്ഞ്. ഇയാളെ തിരിച്ചു കൊണ്ട് വരാന്‍ ആണ് ശ്രമിക്കുന്നത് എങ്കില്‍ എന്തുകൊണ്ടാണ് ഇയാളുടെ 1200 കോടിയുടെ ലോണ്‍ എഴുതിതള്ളിയത്?
കര്‍ഷകരുടെ ലോണ്‍ എന്തുകൊണ്ടാണ് എഴുതിതള്ളാത്തത്? ബിസിനസ്‌കാരുടെ എന്തുകൊണ്ടാണ് ചെയ്യാത്തത്? ഈ ചെറിയ ചെറിയ ആളുകളുടെ എന്തുകൊണ്ട് ചെയ്യുന്നില്ല? എന്ത് ബന്ധം ആണ് വിജയ്‌ മാല്യയും മോദിജിയും തമ്മില്‍? ഈ ലോണ്‍ എഴുതിതള്ളിയ ശതകൊടീശ്വരന്മാരുമായി എന്ത് ബന്ധം ആണ് മോഡീജിക്ക് ഉള്ളത്?

എനിക്ക് മോഡീജിയുമായി 100 കാര്യങ്ങളില്‍ അഭിപ്രായവ്യത്യാസം ഉണ്ടായിരിക്കാം, പക്ഷെ ഞാന്‍ വിചാരിച്ചു കൊണ്ടിരുന്നത് മോദിജി സത്യസന്ധന്‍ ആണെന്നാണ്. എന്നാല്‍ കൂട്ടുകാരെ, ഇത് എന്റെ കൈയില്‍ ഇരിക്കുന്ന ഈ പേപ്പര്‍, ഇത് നോക്കി കഴിഞ്ഞപ്പോള്‍. ഞാന്‍ നിങ്ങളോടെ ഒരു കാര്യം ചോദിക്കാന്‍ ആഗ്രഹിക്കുക ആണ്, ആരൊക്കെ വിചാരിക്കുന്നുണ്ട് മോദിജി സത്യാസന്ധന്‍ അല്ല എന്ന്, ക്യാമറകാര്‍ ഇതൊന്നു കാണിച്ചേ. പറയൂ ആരൊക്കെ വിചാരിക്കുന്നുണ്ട് മോദിജി കൈകൂലി മേടിച്ചിട്ടുണ്ട് എന്ന്? സത്യസന്ധന്‍ അല്ല എന്ന്? ഈ ക്യാമറകാര്‍ ഇതൊക്കെ എടുത്തിട്ട് ടീവിയില്‍ കാണിക്കണേ. ഇത് ഞാനല്ല പറയുന്നത് ജനങ്ങള്‍ ആണ്. ഇന്ന് ഞാന്‍ നിങ്ങളുടെ മുന്‍പില്‍, ഈ നാട്ടിലെ രണ്ടു ശതകോടീശ്വരന്‍മാരുടെ അക്കൗണ്ട്‌ ബുക്സ് കാണിക്കാം, അതില്‍ എഴുതി ഇരിക്കുന്നത് മോഡിജിക്ക് കൈകൂലി കൊടുത്തിട്ടുണ്ട്‌ എന്നാണ്, അതാണ് എന്റെ കൈയില്‍ ഉള്ളത്. നിങ്ങള്‍ എല്ലാവരും ആദിത്യബിര്‍ളയുടെ പേര് കേട്ടിട്ടുണ്ടോ? ബിര്‍ളയുടെ അവിടെ ഒരു റെയ്ഡ് ഉണ്ടായി, 15 ഒക്ടോബര്‍ 2013 ല്‍ റെയ്ഡ് ഉണ്ടായി. ഇത് ഇന്‍കംടാക്സ് ഡിപ്പാര്‍ട്ട്‌മെന്റിന്റെ റിപ്പോര്‍ട്ട്‌ ആണ്, ഞാന്‍ പറയുന്നതല്ല, ഇന്‍കം ടാക്സ് ഡിപ്പാര്‍ട്ട്‌മെന്റിന്റ് റിപ്പോര്‍ട്ട്‌ ആണ് പറയുന്നത്. ഇതില്‍ എഴുതിയിരിക്കുന്നത്, ബിര്‍ളയുടെ കമ്പ്യൂട്ടറില്‍ എഴുതിയിരിക്കുന്നത്, ഞാന്‍ റിപ്പോര്‍ട്ട്‌ നോക്കി വായിക്കാം. ഗുജറാത്ത് സി.എം 25 കോടി, 12 ഡണ്‍, റെസ്റ്റ് ?? അതായതു ഗുജറാത്ത് സി.ഏം, ആ സമയത്ത് ഗുജറാത്ത് മുഖ്യമന്ത്രി ആരായിരുന്നു മോദിജി 2013ല്‍. ഗുജറാത്ത് മുഖ്യമന്ത്രിക്ക് 25 കോടി കൊടുക്കാന്‍ ഉണ്ട്, 12 കൊടുത്തു ബാക്കി ഇനി കൊടുക്കാന്‍ ഉണ്ട്. ഇത് ബിര്‍ളയുടെ കമ്പ്യൂട്ടറില്‍ കിട്ടിയതാണ് ഞാന്‍ പറയുന്നതല്ല.

സഹോദരങ്ങളെ ഇത് നടന്നിട്ട് ഇപ്പോള്‍ 2 വര്‍ഷമായി, മോദിജി പ്രധാനമന്ത്രി ആയി, അദ്ദേഹം എല്ലാ അന്വേഷണവും നിര്‍ത്തി വെച്ചു. എന്തുകൊണ്ടാണ് അന്വേഷണം നിര്‍ത്തി വെച്ചത്, അദ്ദേഹം കൈകൂലി മേടിച്ചിട്ടില്ലായിരുന്നു എങ്കില്‍ അദ്ദേഹം അന്വേഷണം നടത്തുമായിരുന്നു. ഈ ബി.ജെ.പികാര്‍ എന്നും എന്‍റെമേല്‍ ആരോപണം ഉയര്‍ത്തും, എന്ത് കുറ്റം വേണമെങ്കിലും ആരോപിക്കും. നെഞ്ച് വിരിച്ച് ഞാന്‍ പറയും അന്വേഷണം നടത്തിക്കോളൂ. എനിക്ക് പേടിയില്ല, കാരണം ഞാന്‍ ഒരു പാപവും ചെയ്തിട്ടില്ല, അന്വേഷണം നടത്തു, നിങ്ങളുടെ പോലീസിനെക്കൊണ്ട് നിങ്ങള്‍ അന്വേഷണം നടത്തു,  ഇന്ന് വരെ ഒരു ഫലവുമുണ്ടായിട്ടില്ല. എന്നാല്‍ മോദിജി കൈകൂലി മേടിച്ചിട്ടില്ല എങ്കില്‍ എന്തുകൊണ്ട് അന്വേഷണം നടത്തുന്നില്ല? അതിന്റെ അര്‍ത്ഥം മോദിജി കൈകൂലി വാങ്ങി എന്നാണ്. ആരൊക്കെ വിചാരിക്കുന്നുണ്ട് മോദിജി ബിര്‍ളയുടെ കൈയില്‍ നിന്നും കൈകൂലി വാങ്ങി എന്ന്?

കൂട്ടുകാരെ, ഇനിയും ഉണ്ട് തെളിവുകള്. 22 നവംബര്‍ 2014 ന് സഹാറയില്‍ ഇന്‍കം ടാക്സിന്റെ റെയ്ഡ് ഉണ്ടായി, സഹാറയുടെ പേര് കേട്ടിട്ടുണ്ടല്ലോ എല്ലാവരും, സഹാറയില്‍ ഇന്‍കം ടാക്സിന്റെ റെയ്ഡ് ഉണ്ടായി. ആ റെയ്ഡില്‍ ഒരു മുറിയില്‍ നിന്നും 130 കോടി കിട്ടി,
ആ മുറിയില്‍ നിന്നും കുറച്ചു രേഖകളും ഇന്‍കം ടാക്സുകാര്‍ക്ക് കിട്ടി, , ആ പേപ്പറില്‍ എഴുതിയിരിക്കുന്നത് സഹാറ ഏതൊക്കെ നേതാക്കന്മാര്‍ക്ക് എത്രെഒക്കെ കൈകൂലി കൊടുത്തു എന്നായിരുന്നു. ആ പേപ്പര്‍ എന്റെ കൈയില്‍ കിട്ടി. അവരുടെ സമയം മോശമാണ്, അവരുടെ തെറ്റായ കാര്യങ്ങളുടെ എല്ലാ പേപ്പറും എന്റെ കൈയില്‍ വന്നെത്തുമ്. ഞാന്‍ ഇന്ന് അതും കൊണ്ട് വന്നിട്ടുണ്ട്. സഹോദരങ്ങളെ ഇതില്‍ ഇന്‍കം ടാക്സ് ഓഫീസറിന്റെ ഒപ്പ്‌ ഉണ്ട്. ഇതില്‍ സഹാറയുടെ ജോലിക്കാരന്റെ ഒപ്പ്‌ ഉണ്ട് ഇതില്‍ രണ്ടു സാക്ഷികളുടെ ഒപ്പ്‌ ഉണ്ട്. ഇന്‍കംടാക്സിന്റെ പേപ്പര്‍ ആണ്. സഹാറയുടെ മുറിയില്‍ നിന്നും കണ്ടെത്തിയതാണ്, ഇതില്‍ എന്താണ് എഴുതിയിരിക്കുന്നത് എന്ന് ഞാന്‍ വായിച്ചു കേള്‍പ്പിക്കാം.
ഇതില്‍ എഴുതിയിരിക്കുന്നത്, ഏതൊക്കെ നേതാക്കന്മാര്‍ക്ക്, എത്രെയൊക്കെ ഏതൊക്കെ ദിവസങ്ങളില്‍ കൈകൂലി കൊടുത്തു എന്നാണ്

30 ഒക്ടോബര്‍ 2013: 2.5 കോടി രൂപ കാഷ്‌ ഗിവെണ്‍ അറ്റ് അഹമ്മദാബാദ് റ്റു മോദീജി.
അതിനു ശേഷം
12 നവംബര്‍ 2013: 5 ലക്ഷം  രൂപ കാഷ്‌ ഗിവെണ്‍ അറ്റ് അഹമ്മദാബാദ് റ്റു മോദീജി
27 നവംബര്‍ 2013: 2.5 കോടി രൂപ കാഷ്‌ ഗിവെണ്‍ അറ്റ് അഹമ്മദാബാദ് റ്റു മോദീജി
29 നവംബര്‍ 2013: 5 കോടി രൂപ കാഷ്‌ ഗിവെണ്‍ അറ്റ് അഹമ്മദാബാദ് റ്റു മോദീജി

ഇത് കണ്ടിട്ട് തോന്നുന്നത് എല്ലാ ദിവസവും മോടിജിക്ക് പൈസ കിട്ടികൊണ്ടേ ഇരിക്കുകയായിരിന്നു എന്നാണ്. സഹോദങ്ങളെ ഇത് എന്‍ട്രി ആണ് സഹാറയുടെ ബുക്കിലെ എന്‍ട്രി ആണ് മോഡിജിക്ക് ഇത്രയും കാശ് കൊടുത്തു എന്ന്. ഇപ്പോള്‍ എന്റെ കൈയില്‍ ഒരു പേപ്പര്‍ മാത്രമേ ഉള്ളു. വേറൊരു പേപ്പറില്‍ മോദിജിയുടെ 7 എന്‍ട്രി ആണ് ഉള്ളത്. 40 കോടി ഞാന്‍ മോഡിജിക്ക് കൊടുത്തു എന്നാണ് സഹാറ പറയുന്നത്. ഇത് കഴിഞ്ഞിടട്ട് ഇപ്പോള്‍ രണ്ടു വര്‍ഷമായി, എന്നിട്ടും മോദിജി ഇതിനല്‍ ഒരു അന്വേഷണവും നടത്താന്‍ നോക്കിയില്ല. എല്ലാ വിഷയത്തെയും അമര്‍ച്ചചെയ്തു. എല്ലാ പേപ്പറും മുക്കി കളഞ്ഞു. മോദീജിയുടെ ഹൃദയത്തില്‍ കള്ളത്തരം ഇല്ലായിരുന്നു എങ്കില്‍ എന്ത്കൊണ്ട് മോദിജി ഇതിന്റെ സത്യാവസ്ഥ കൊണ്ടുവരാന്‍ അന്വേഷണം നടത്തിയില്ല. ഇതില്‍ നിന്നും മനസ്സിലാകുന്നത്‌ മോദിജി സഹാറയുടെ കൈയില്‍ നിന്നും കൈകൂലി വാങ്ങി എന്നാണ്, ആര്‍ക്കൊക്കെ അങ്ങനെ തോന്നുന്നുണ്ട്… ഞാന്‍ പറയുന്നത് മോദിജി ബിര്‍ളയുടെ കൈയില്‍ നിന്നും കാശ് വാങ്ങിയിട്ടുണ്ട് എങ്കില്‍,  വിജയ്‌ മാല്യയെ സ്വതന്ത്രനായി രാജ്യത്തു നിന്നും രക്ഷപെടാന്‍  സഹായിചിട്ടുണ്ടാവില്ലേ.
മനസ്സില്‍ ഉണ്ടാകുന്ന ഒരു സംശയമാണ്, വിജയ്‌ മാല്യയുടെ 12000 കോടിയുടെ ലോണ്‍ ഫ്രീ ആയിട്ട് എഴുതിതള്ളിയതാവില്ല, മനസ്സില്‍ ഉണ്ടാകുന്ന സംശയം ആണ് ഒരു ലക്ഷത്തിപതിനായിരം രൂപ ലോണ്‍ എഴുതി തള്ളിയ ശതകോടീശ്വരന്‍മാര്‍ എല്ലാവരില്‍ നിന്നും കൈകൂലി വാങ്ങിയിട്ടുണ്ടാകും.  എത്ര കാശ് വാങ്ങിയിട്ടാണ്‌ അവരുടെ ലോണ്‍ എഴുതി തള്ളിയത് എന്ന്‌ മോദിജി പറയണം ? അതുപോലെ നമ്മള്‍ ക്യൂവില്‍ നിന്ന് നിക്ഷേപിക്കുന്നന കാശ് കൊണ്ട് 8ലക്ഷം കോടിയുടെ ലോണ്‍ എഴുതിതള്ളാന്‍ പോകുകയാണ്. മോദിജി പറയുക ഇവരുടെ കൈയില്‍ നിന്നും എത്രകോടിയുടെ കൈകൂലി വാങ്ങിയിട്ടാണ് ഈ പദ്ധതി ഇവിടെ കൊണ്ട് വന്നത്.

രാജ്യത്തെ മുഴുവനും ക്യൂവില്‍ നിര്‍ത്തിയിരിക്കുകയാണ് കൂട്ടുകാരെ. അതുകൊണ്ട് ആണ് ഞാന്‍ എപ്പോഴും പറയുന്നത് ഇത് കള്ളപ്പണം ഇല്ലാതാക്കാന്‍ ഉള്ള പദ്ധതി അല്ല, ഇത് അഴിമതി ഇല്ലാതാക്കാന്‍ ഉള്ള പദ്ധതി അല്ല, ഇത് 8 ലക്ഷം കൂടിയുടെ ഒരു വലിയ അഴിമതി ആണ്, സ്വതന്ത്രഭാരതത്തിലെ ഏറ്റവും വലിയ അഴിമതി. കോണ്‍ഗ്രസ്‌ ആയിരുന്നപ്പോള്‍ വിചാരിച്ചു അവരാണ്‌ വലിയ അഴിമതിക്കാരെന്ന്, പക്ഷെ കോണ്‍ഗ്രസുകാര്‍ എതൊക്കെ ചെയ്തു, 2 ലക്ഷം കോടിയുടെ 2ജിയുടെ അഴിമതി ചെയ്തു, 2 ലക്ഷം കോടിയുടെ കല്‍ക്കരി അഴിമതി ചെയ്തു. ഞാന്‍ പറയും കോണ്‍ഗ്രസ്‌കാര്‍ മോദീജിയില്‍ നിന്നും ഒരുപാടു പഠിക്കാന്‍ ഉണ്ട്, ഒറ്റ നില്‍പ്പില്‍ സിക്സര്‍ അടിച്ചു ഒറ്റ അടിയില്‍ 8 ലക്ഷം കോടിയുടെ അഴിമതി ചെയ്തു. ഇപ്പോള്‍ പറയുന്നത് നിങ്ങളുടെ വീട്ടില്‍, മോഡിജിക്ക് എല്ലാവരെയും  കള്ളന്മാരായി മാത്രമേ കാണാന്‍ കഴിയുന്നുള്ളൂ എന്നാണ്‌, നിങ്ങള്‍ കര്‍ഷകരുടെ വീട്ടില്‍ കള്ളപ്പണം കാണാന്‍ കഴിയുന്നുണ്ട്, തൊഴിലാളികളുടെ വീട്ടില്‍ കള്ളപ്പണം കാണാന്‍ കഴിയുന്നുണ്ട്, ഞാന്‍ നിങ്ങളുടെ വീട്ടില്‍ കയറി നിങ്ങളുടെ സ്ത്രീകളുടെ സ്വര്‍ണം പരിശോധിക്കും . ഗോവയില്‍ അദ്ധേഹത്തിന്റെ പ്രസംഗം കേട്ടിരുന്നോ നിങ്ങള്‍, പ്രസംഗത്തില്‍ പറയുന്നത് ഒരു ലക്ഷം റിട്ടയേര്‍ഡ്‌ ഇന്‍കം ടാക്സ് ഓഫീസര്‍മാരെ മോദിജി നിയമിക്കാന്‍ പോകുകയാണ് എന്നാണ്‌. ഒരു ലക്ഷം ഇന്‍കം ടാക്സ് ഓഫീസര്‍മാര്‍ രാജ്യത്തെ മുഴുവന്‍ വീട്ടിലും കയറി റെയ്ഡ് ചെയ്യാന്‍ പോകുകയാണ്, നിങ്ങളുടെ നിങ്ങളുടെ അലമാരികള്‍ തുറന്നു പരിശോധിക്കും, സ്ത്രികളുടെ കയ്യില്‍ എത്ര ആഭരണം ഉണ്ട്, എത്ര സ്വര്‍ണം ഉണ്ട് എന്ന്. മോഡിജിക്ക് അംബാനിയുടെ വീട്ടിലെ സ്വര്‍ണം കാണാന്‍ കഴിയുന്നില്ല, അഡാനിയുടെ വീട്ടിലെ സ്വര്‍ണ്ണം കാണാന്‍ കഴിയുന്നില്ല, വിജയ്‌ മാല്യയുടെ വീട്ടിലെ സ്വര്‍ണ്ണം കാണാന്‍ കഴിയുന്നില്ല. നമ്മുടെ വീട്ടിലെ സ്വര്‍ണ്ണം കാണാന്‍ കഴിയുന്നുണ്ട്, പിഴിയാന്‍ ശ്രമിക്കുകയാണ്, നമ്മുടെ രക്തം ഇവര്‍ ഊറ്റികുടിച്ചു . കൂട്ടുകാരെ ഇത്  ആലോചിക്കുമ്പോള്‍  എന്റെ ശരിരം വിറക്കുകയാണ്.

ഞാന്‍ കഴിഞ്ഞ ദിവസം ഞങ്ങളുടെ ദില്ലിയില്‍ ഭവാനി ഇന്‍ഡസ്ട്രിയല്‍ ഏരിയയില്‍ പോയിരുന്നു, എല്ലാ വ്യവസായവും അടച്ചുപൂട്ടല്‍ ഭീഷണി നേരിട്ട് കൊണ്ടിരിക്കുകയാണ്, ചില വ്യവസായങ്ങള്‍ ലോക്ക്ഔട്ട്‌ ആയിരിക്കുകയാണ്, എല്ലാ തൊഴിലാളികളും പട്ടിണിയിലാണ്,, മാര്‍ക്കറ്റ്‌ മൊത്തം അടഞ്ഞുകൊണ്ടിരിക്കുകയാണ്, നമ്മുടെ ആസാദ്പൂര്‍ മാര്‍ക്കറ്റില്‍ എത്രെയോ ട്രക്കുകളാണ്  വന്നു കൊണ്ടിരുന്നത് ഇപ്പോള്‍ ഒന്നിനെ പോലും കാണാന്‍ കിട്ടുന്നില്ല, മാര്‍കറ്റ്‌ അടഞ്ഞു കിടക്കുകയാണ്, എല്ലാവരുടെയും ജോലി ഇല്ലാതെ ആയി കൊണ്ടിരിക്കുകയാണ്, ബിസിനസ്‌ ഇല്ലാതെ ആയി കൊണ്ടിരിക്കുകയാണ്, ഇങ്ങനെ എത്രകാലം  മുന്നോട്ട് പോകും കൂട്ടുകാരെ?  ഇവിടെയും എല്ലാം അടഞ്ഞു കിടക്കുകയാണോ?

കൂട്ടുകാരെ, ഒരു മാസം കൊണ്ട് മോദിജി നമ്മുടെ രാജ്യത്തെ 20 വര്‍ഷം പിന്നോട്ട് വലിചിരിക്കുക ആണ്, 20 വര്ഷം പിന്നോട്ട് വലിചിരിക്കുകയാണ്, കുറച്ച് ആളുകള്‍ തെറ്റിധരിപ്പിക്കപ്പെട്ടിരിക്കുകയാണ്, ഞാന്‍ കുറച്ചു ആളുകളെ ഈ ദിവസങ്ങളില്‍ കാണാന്‍ പോയപ്പോള്‍ അവര്‍ പറയുന്നത്, ഞങ്ങളോ കൊള്ളയടിക്കപ്പെട്ടു, ഞങ്ങള്‍ക്കൊപ്പം പണക്കാരെയും കൊള്ളയടിച്ചു, ഇങ്ങനെ ഒക്കെ പറയുമായിരുന്നു, ഇങ്ങനെയും ചിലര്‍ സന്തോഷിക്കുമായിരുന്നു, ഞങ്ങള്‍ പാവപ്പെട്ടവര്‍ എന്തായാലും പെട്ടു എന്നാലും ഓരോ പണക്കാരും പെട്ടല്ലോ അതുമതി എന്ന്‌. ഇപ്പോള്‍ അവരെയും കബളിപ്പിച്ചു. ദേ മോദിജി ഇപ്പോള്‍ 50 – 50 പദ്ധതി കൊണ്ട് വന്നു.  ആരുടെ ഒക്കെ കൈയില്‍ കള്ളപ്പണം ഉണ്ടോ, അവരൊക്കെ വന്നു 50 ശതമാനം മാത്രം നിക്ഷേപിച്ചാല്‍ മതി. ദേ കുറച്ചു മുന്‍പ് ഞാന്‍ പറഞ്ഞത് പോലെ സന്തോഷിച്ചിരുന്നവരും പെട്ടു. അവര്‍ കാണുന്നത് പണക്കാരന്‍ അവന്റെ കാശ് കൊണ്ട് പോയി നിക്ഷേപിക്കുന്നു. മോദിജി പറയുന്നത്, നിങ്ങള്‍ 10 കോടിയുടെ കൈകൂലി മേടിച്ചു കൈയില്‍ വെച്ചിട്ടുണ്ടെങ്കില്‍ 5 കോടി എനിക്ക് താ ബാക്കി 5 കോടി നീ വെച്ചോ, മുഴുവനും വൈറ്റ് ആയി. മോദിജി ഇത് വലിയ അപകടകരമായ പദ്ധതി ആണ് . നിങ്ങള്‍ തീവ്രവാദിക്ക് വേണ്ടി പൈസ ഉണ്ടാക്കി വെച്ചിട്ടുണ്ടെങ്കില്‍, കള്ളത്തരത്തില്‍  പൈസ ഉണ്ടാക്കി വെച്ചിട്ടുണ്ടെങ്കില്‍, നിങ്ങള്‍ മയക്കുമരുന്നില്‍ കൂടി പൈസ ഉണ്ടാക്കി വെച്ചിട്ടുണ്ടെങ്കില്‍ 100 കോടി ഉണ്ടാക്കിയിട്ണ്ടെങ്കില്‍ , മോദിജി പറയുന്നത് 50 കോടി എനിക്ക് തരു ബാക്കി 50 കോടി നീ വെച്ചോളൂ നിന്റെ പൈസ വൈറ്റ് ആയി. ഇങ്ങനെ ആണോ മോദിജി അഴിമതി ഇല്ലാതെ ആക്കുന്നത്? ഇങ്ങനെ ആണോ തീവ്രവാദം മോദിജി ഇല്ലാതെ ആക്കുന്നത് ?

കുറച്ചു ആളുകള്‍ ഇങ്ങനെയും തെറ്റിധരിപ്പിക്കപ്പെട്ടിരിക്കുകയാണ്, ഏറ്റവും പാവപ്പെട്ടവര്‍ പറയുന്നത്, ഈ പണക്കാരുടെ കാശ് കിട്ടിയിട്ട് ജനധന്‍ അക്കൗണ്ടില്‍ 50000 രൂപ ഇടും എന്നാണ്‌, ഇങ്ങനെയും പറഞ്ഞു നടക്കുന്നില്ലേ ചിലര്‍? 15ലക്ഷം നമ്മുടെ അക്കൗണ്ടില്‍ ഇടും എന്നു പറഞ്ഞതല്ലെ മോഡീജി, തിരഞ്ഞെടുപ്പിന്റെ സമയത്ത് 15 ലക്ഷം, നിക്ഷേപിക്കും എന്നല്ലേ പറഞ്ഞു നടന്നത്. ആര്‍ക്കൊക്കെ 15 ലക്ഷം കിട്ടി ഒന്ന് കൈ പോക്കിക്കെ? 15 ലക്ഷം തന്നില്ല, 50000 തരും എന്ന്,  ഞാന്‍ പറയുന്നത് ഇപ്പോള്‍ നമ്മള്‍ ഡെപോസിറ്റ്‌ ചെയ്യുന്ന നമ്മുടെ പണം പോലും നമുക്ക് കിട്ടില്ല അതും ഈ ശതകൊടീശ്വരന്മാര്‍ക്ക് കൊടുക്കാന്‍ പോകുകയാണ്. ജനധനില്‍ കാശ് ഡെപോസിറ്റ്‌ ചെയ്യും എന്ന തെറ്റിധാരണയില്‍ ആരും ഇരിക്കല്ലേ, ഒരൊറ്റ നയാ പൈസ പോലും ഡെപോസിറ്റ്‌ ചെയ്യില്ല.

അതുപോലെ എനിക്ക് മനസിലാകാത്ത മറ്റൊരു കാര്യം, എല്ലാ ദിവസവും ബി.ജെ.പിക്കാര്‍ പിടിക്കപ്പെട്ടു കൊണ്ടിരിക്കുകയാണ്. കഴിഞ്ഞ ദിവസം ബിജെപിയുടെ ഒരു നേതാവ് വെസ്റ്റ് ബംഗാളില്‍ പിടിക്കപ്പെട്ടു, 33 ലക്ഷം രണ്ടായിരം രൂപയുടെ പുതിയ നോട്ടുമായി പിടിക്കപ്പെട്ടു. ഇവരുടെ കൈയ്യില്‍ എങ്ങിനെ പൈസ എത്തുന്നു? ഈ പാവങ്ങള്‍ക്ക് ഇന്നലെ മുതല്‍ ലൈനില്‍ നില്‍ക്കുന്നവര്‍ക്ക് രണ്ടായിരം രൂപ കിട്ടുന്നില്ല, നിങ്ങളെയൊക്കെ ലൈനില്‍ നിര്‍ത്തിയെക്കുകയാണ് നിങ്ങള്‍ക്ക് കിട്ടുന്നില്ല, ബിജെപിക്കാര്‍ക്ക് പിറകിലത്തെ വാതിലില്‍ കൂടി എല്ലാ കാശും കിട്ടികൊണ്ടിരിക്കുക ആണ്, നമ്മള്‍ എന്താ വിഡ്ഢികള്‍ ആണോ? നമ്മളെ വിഡ്ഢികളായി കാണുകയാണോ മോദിജി? ബിജെപിക്കാര്‍ക്ക് നോട്ടു കിട്ടുന്നു, ശതകോടീശ്വരന്മാര്‍ക്കും നോട്ടു കിട്ടുന്നു, സാധാരണ ജനങ്ങള്‍ ലൈനില്‍ നില്‍ക്കുകയാണ്. മോദിജി പറയുന്നു, നിങ്ങള്‍ കുറച്ചു ദിവസത്തേക്ക് ത്യാഗം ചെയ്യുക, ഞാന്‍ പറയുന്നു മോദിജി താങ്കളും കുറച്ചു ത്യാഗം ചെയ്യൂ. ഞാന്‍ തെറ്റൊന്നും പറയുന്നില്ലല്ലോ അല്ലെ? കുറച്ചു ത്യാഗം താങ്കളും ചെയ്യൂ.  ബിജെപിക്കാരുടെ കൈയില്‍ ആണ് കള്ളപ്പണം മുഴുവനും ഉള്ളത്. ബിജെപിക്കാര്‍ക്ക് 70% സംഭാവന കിട്ടുന്നത് കാശായിട്ടാണ്.

രാജ്യത്തെ മുഴുവന്‍ ജനങ്ങളെയും പഠിപ്പിക്കുകയാണ് മോദിജി,  അത് ചെയ്യുക ഇത് ചെയ്യുക എന്നൊക്കെ. മോദിജി ഇന്ന് പ്രഖ്യപ്പിക്കുക ബിജെപിയുടെ എല്ലാ ഫണ്ടും പേറ്റിയെം ​വഴി മാത്രമേ സ്വീകരിക്കുകയുള്ളു എന്ന്‌? സ്വന്തമായി സംഭാവന കള്ളപ്പണമായി വാങ്ങും , സ്വന്തമായി ഭാവന കാശായിട്ട് വാങ്ങുമ്, എന്നിട്ട് നമ്മളെ പഠിപ്പിക്കുകയാണ് പേറ്റിയെം ​ഉപയോഗിക്ക്കാന്. മോദിജി പേറ്റിയെം ​ബിജെപിയിലും ഉപയോഗിക്കുക. ആഹ്വാനം ചെയ്യുക. സഹോദരങ്ങളെ കോണ്‍ഗ്രസ്‌കാരുടെ 80% സംഭാവനയും  കള്ളപ്പണം ആണ്, ബിജെപിയുടെ 70% സംഭാവന്യും  കള്ളപ്പണം ആണ്. ആംആദ്മി പാര്‍ട്ടി മാത്രമേ ഉള്ളു എല്ലാ സംഭാവനയും  വൈറ്റ് ആയി വാങ്ങുന്നത്‌. 92% സംഭാവനയും  ഞങ്ള്‍  ബാങ്കില്‍ കൂടി ആണ് വാങ്ങുന്നത് . ഞങ്ങള്‍ക്ക് ചെയ്യാമെങ്കില്‍ നിങ്ങള്‍ക്ക് എന്തുകൊണ്ടാണ് കഴിയാത്തത്. മോഡീജിയെ പറ്റി എനിക്ക് വിഷമം ഉണ്ടാക്കിയ മറ്റൊരു വിഷയം സ്വന്തം അമ്മയെ ക്യൂവില്‍ കാശിനു വേണ്ടി നിര്‍ത്തിയതാണ്‌.  സഹോദങ്ങളെ ഇത് തെറ്റാണു. നാളെ ഇത് പോലെ ക്യൂവില്‍ നില്‍കേണ്ടി വരുന്ന ഒരു അവസ്ഥ ഉണ്ടാവുകയാണെങ്കില്‍ ഞാന്‍ പോയി നില്‍ക്കും എന്റെ അമ്മയെ നിര്‍ത്തില്ല. നമ്മുടെ മാതാപിതാക്കള്‍ എന്തുകൊണ്ടാണ് മക്കളെ വളര്‍ത്തുന്നത്, വലുതാവുമ്പോള്‍ അവര്‍ക്ക് ഒരു തുണയാകും അല്ലെങ്കില്‍ സഹായമാകും എന്ന് കണ്ടല്ലേ വളര്‍ത്തുന്നത്. 90 വയസാകുമ്പോള്‍ നമ്മളെ  സ്വന്തം രാഷ്ട്രീയ ലാഭത്തിനായി  ക്യൂവില്‍  കൊണ്ട് നിര്‍ത്തും എന്ന്‌ വിചാരിച്ചു കൊണ്ടല്ല  . 90 വയസുള്ള സ്വന്തം അമ്മയെ ക്യൂവില്‍ നിര്‍ത്തുന്ന മകനെ എന്താ വിളിക്കേണ്ടത്?

മോദിജി പറയുന്നത് കുറച്ചു ത്യാഗം ചെയ്യൂ, 2.5 ലക്ഷം കൊണ്ട് കല്യാണം നടത്തൂ. ബാംഗ്ലൂര്‍ ഉള്ള മോദിജിയുടെ കൂട്ടുകാരന്‍ റെഡ്ഡി ബ്രദര്‍സ്  കല്യാണം നടത്തിയത്‌ 500 കോടി ചിലവാക്കി കൊണ്ടാണ്‌. ഞാന്‍ ചോദിക്കുക ആണ് അവിടെ 500 കോടിക്ക് നോട്ടു എങ്ങിനെ മാറ്റി കിട്ടി . താങ്കളോടെ കൂട്ടുകാര്‍ക്ക് 500 കോടിയുടെ കല്യാണം നടത്താം എന്നിട് നമ്മളോട് പറയുന്നു 2.5 ലക്ഷത്തിനു കല്യാണം നടത്തൂ  എന്ന്. ഞങ്ങളുടെ വീടിലെ സ്ത്രീകള്‍ എന്താ ആര്‍ക്കും വേണ്ടാത്തവര്‍ ആണോ? ഈയിടെ ബിജെപിയുടെ മഹേഷ്‌ ശര്‍മയുടെ മകളുടെ കല്യാണം കഴിഞ്ഞു. 5-സ്റ്റാര്‍ ഹോട്ടലില്‍ കോടികള്‍ ചിലവാക്കി. അരുണ്‍ ജെട്ലിയുടെ മകളുടെ കല്യാണം നടന്നു കോടികള്‍ മുടക്കി. നിങ്ങള്‍ക്കെല്ലാം കോടികള്‍ മുടക്കി കല്യാണം നടത്താം എന്നിട്ട്‌ നമ്മളോട് പറയുകയാണ് ത്യാഗം ചെയ്യൂ എന്ന്. മോദിജി കുറച്ചു ത്യാഗം താങ്കളും ചെയ്യൂ. ബിജെപി എം.പിമാരുടെ അല്ലെങ്കില്‍എംഎല്‍എ മാരുടെ വീടുകളില്‍ മക്കളുടെ കല്യാണം ഉണ്ടെകില്‍ അവരോടു പറയുക 2.5 ലക്ഷത്തിനു കല്യാണം നടത്തൂ എന്ന്. നിങ്ങള്‍ 2.5 ലക്ഷത്തിനു കല്യാണം നടത്തി കാണിക്കൂ ഞങ്ങള്‍ 1.5 ലക്ഷത്തിനു നടത്തി കാണിക്കാം. രാജ്യം മുഴുവനും മുറവിളി ആണ്, രാജ്യം മുഴുവനും ആളുകളുടെ ബിസിനസ്‌ ഇല്ലാതെ ആയികൊണ്ടിരിക്കുകയാണ് എന്നിട്ട് താങ്കള്‍ ധൂര്‍ത്തടിച്ചു ജീവിക്കുകയാണ്‌. ഒരു ദിവസം നാല് ജോഡി ഡ്രസ്സ്‌ മാറും. കണ്ടിട്ടുണ്ടാകും നിങ്ങള്‍ ദിവസവും വലിയ വലിയ വിമാനത്തില്‍ കറങ്ങും, കുറച്ചു ബുദ്ധിമുട്ടുകളും കുറച്ചു ത്യാഗവും മോദിജി താങ്കളും ചെയ്യൂ. എല്ലാ ത്യാഗവും ജനങ്ങള്‍ ചെയ്യാന്‍ പോകുന്നില്ല.

ഒരു മനുഷ്യന്‍ വന്നു എന്‍റെ അടുത്ത് എന്നിട്ട് പറഞ്ഞത് സഹോദരാ ഇത് ഹിന്ദുക്കളുടെ പാര്‍ട്ടിയാണെന്ന്, ഞാന്‍ പറയുന്നു ഇവിടെ ഹിന്ദുക്കളെയും വെറുതെ വിട്ടില്ല, ഓര്‍ഡര്‍ ഉണ്ടാക്കിയപ്പോള്‍ ഹിന്ദുക്കള്‍ക്ക് ഇത് ബാധകം അല്ല എന്ന് എഴുതണമായിരുന്നു. ഇവരൊക്കെ ഹിന്ദുക്കളെയും വെറുതെ വിട്ടിട്ടില്ല, ഹിന്ദുക്കളെയും ക്യൂവില്‍ നിര്‍ത്തി, ഹിന്ദുക്കളുടെയും കടകള്‍ പൂട്ടിച്ചു. ഞാന്‍ ആദ്യമേ പറയുന്നതാണ് ഈ ബിജെപി ഹിന്ദുക്കളുടെ പാര്‍ട്ടിയല്ല, മുസ്ലിമിന്‍റെ പാര്‍ട്ടിയല്ല ഇത് അധികാരത്തിനോടൂം  പണത്തിനോടൂമ്മ്  അത്യാഗ്രഹമുള്ള പാര്‍ട്ടിയാണ്, നാളെ വേണമെന്ന് വെച്ചാല്‍ അവരുടെ സ്വന്തം പിതാവിനെ വരെ വിറ്റ്‌ തിന്നാന്‍ മടിക്കാത്തവര്‍ ആണ് ഈ ബിജെപിക്കാര്‍

എന്റെ ഒരു കൂടുകാരന്‍ ഉണ്ട്, ഭ്രാന്തനായ  ബിജെപിക്കാരന്‍ ആയിരുന്നു സഹോദരങ്ങളെ. ഇവിടെ ഉത്തര്‍പ്രദേശില്‍ ആണ് താമസിക്കുന്നത്, ഒരു ദിവസം എന്നെ കാണാന്‍ എന്‍റെ വീട്ടില്‍ വന്നു ഞാന്‍ ചോദിച്ചു എന്തൊക്കെ ഉണ്ട് സഹോദരാ വിശേഷം. എന്നോട് പറയുകയാണ് സഹോദരാ വലിയ ഒരു തെറ്റ് ഞാന്‍ ചെയ്തു, ഇനി ഞാന്‍ ഒരിക്കലും ചെയ്യില്ല, മരിക്കുന്നതിനു മുന്പ് എന്‍റെ കുട്ടികളോടും പറയും പേപിടിച്ച പട്ടികള്‍ക്ക് വോട്ടു കൊടുത്തോ പക്ഷെ ഒരിക്കലും ബിജെപിക്കു വോട്ടു കൊടുക്കരുതേ എന്ന്.

കൂട്ടുകാരെ, നിങ്ങളോടൊക്കെ ഒരു അഭ്യര്‍ത്ഥന ഉണ്ട്, മോദിജി പ്രധാനമന്ത്രി ആയതു ഉത്തര്‍പ്രദേശിലെ ജനങ്ങള്‍ കാരണമാണ്‌, വാരണാസിയിലെ ജനങ്ങള്‍ കാരണമാണ്‌ ഉത്തര്‍പ്രദേശില്‍ നിന്നും 80 സീറ്റില്‍  73 സീറ്റ്‌ കിട്ടിയില്ലായിരുന്നു എങ്കില്‍ ഒരു കാരണവശാലും മോദിജി പ്രധാനമന്ത്രി ആകില്ലായിരുന്നു. കൂട്ടുകാരെ ഇനി നിങ്ങളുടെ ഉത്തരവാദിത്വം ആണ്. മീഡിയ നല്ല ആള്‍കാരാണ് പക്ഷെ ആ പാവങ്ങള്‍ക്ക് ഇതൊന്നും കാണിക്കാന്‍ പറ്റില്ല, അവര്‍ നിസ്സഹായരാണ്,  നിങ്ങള്‍  ഓരോ വീടുകളിലും കയറി ഇറങ്ങി പറയണം ഈ നോട്ടു നിരോധനം ഏറ്റവും വലിയ അഴിമതി ആണെന്ന്, അത്‌ നിങ്ങളുടെ ഉത്തരവാദിത്വം ആണ്. 8 ലക്ഷം കോടിയുടെ അഴിമതി ആണ്. അത് മാത്രമല്ല മോദിജി കൈകൂലി വാങ്ങുന്ന  ആണെന്ന കാര്യവും പറയണം .ഈ വരുന്ന തിരഞ്ഞെടുപ്പില്‍ നിങ്ങളുടെ ഓരോരുത്തരുടെയും ഉത്തരവാദിത്വം ആണിത്‌, ഇനി വരുന്ന തിരഞ്ഞെടുപ്പില്‍, ഏതു ഉത്തര്‍പ്രദേശ് ആണോ മോദീജിയെ പ്രധാനമന്ത്രി ആകിയത് അതെ ജനങ്ങള്‍ കാണിച്ചു കൊടുക്കും  ജനാധിപത്യത്തില്‍ ജനങ്ങള്‍ ആണ് മുതലാളി എന്ന്.
ഭാരത് മാതാ കീ ജയ്

Posted in Uncategorized | 5 Comments

ഹരിത കേരളം: പിണറായി സര്‍ക്കാരിന്‍റെ പൊയ്‌മുഖം

കേരള ചരിത്രത്തിലെ ഏറ്റവും രൂക്ഷമായ വരള്‍ച്ച നേരിടുന്ന ഈ കാലത്ത് അതിന്‍റെ പാരിസ്ഥിതിക സംരക്ഷണത്തിന് ഏതു സര്‍ക്കാര്‍ മുന്‍ കയ്യെടുത്താലും ആം ആദ്മി പാര്‍ട്ടി പൂര്‍ണ പിന്തുണ നല്‍കുന്നതാണ്.

എന്നാല്‍ പിണറായി സര്‍ക്കാരിന്‍റെ ഹരിത കേരളം പദ്ധതി ഉപരിപ്ലവവും, ജനങ്ങളുടെ കണ്ണില്‍ പൊടിയിടാനുമുള്ള തട്ടിപ്പുമാണ്. കേരളത്തിന്‍റെ മണ്ണും വെള്ളവും കാടും കായലും സര്‍ക്കാരിന്‍റെ നയമായി തന്നെ തകര്‍പ്പെടുമ്പോള്‍ കുളത്തിലെ പായല്‍ വാരലും, മട്ടുപാവ് കൃഷിയും, മന്ത്രിമാരുടെ കൊയ്ത്തുല്‍സവവും കൊണ്ട് കേരളത്തിന്‍റെ ഹരിതാഭ സംരക്ഷിക്കാന്‍ കഴിയില്ല.

നെല്‍വയല്‍ തണ്ണീര്‍ത്തട സംരക്ഷണത്തിന് വേണ്ടി ഡാറ്റ ബാങ്ക് തയ്യാറാക്കി പ്രസിദ്ധീകരിക്കും എന്ന് ഉറപ്പ് നല്‍കിയ പിണറായി സര്‍ക്കാര്‍ അതിനു വേണ്ടി ഒന്നും തന്നെ ഇത് വരെ ചെയ്തിട്ടില്ല, പണമുള്ളവര്‍ പാടം നികത്തി കൊണ്ടിരിക്കുന്നു. കേരളത്തിന്‍റെ പാരിസ്ഥിതിക അവസ്ഥയെ സംബന്ധിച്ച് ഒരു ധവളപത്രം ഇറക്കുമെന്ന പ്രഖ്യാപനവും നടപ്പിലാക്കിയിട്ടില്ല. വന്‍ പരിസ്ഥിതി നാശം വരുത്തിയ അനധികൃത കെട്ടിട സമുച്ചയം പണിത ഡി.എല്‍.എഫ് നെതിരെ കോടതി കേവലം ഒരു കോടിയുടെ പിഴ ചുമത്തിയതില്‍ സര്‍ക്കാര്‍ പ്രതികരിച്ചിട്ടില്ല. ഭരണ കക്ഷിയിലെ ചിലര്‍ ഈ വിഷയം ഉന്നയിച്ചിട്ടും മുഖ്യമന്ത്രിയും കൂട്ടരും നിലപാട് വ്യക്തമാക്കിയിട്ടില്ല. സര്‍ക്കാര്‍ ഈ വിഷയത്തില്‍ അപ്പീല്‍ പോകണം എന്ന് ആം ആദ്മി പാര്‍ട്ടി ആവശ്യപെടുന്നു.

പാരിസ്ഥിതിക അനുമതിയില്ലാതെ ചെറുതും വലുതുമായ ഒരു പാറമടകളും പ്രവര്‍ത്തിക്കാന്‍
പാടില്ല എന്ന സുപ്രീം കോടതി വിധി പരിഗണിക്കാന്‍ കാല താമസം വരുത്തിയും വിധിയെ
ദുര്‍വ്യാഖ്യാനിച്ചും പാറമടകള്‍ക്ക് അനുകൂലമായി ഈ മാസം 19 നു സര്‍ക്കാര്‍ മുന്നോട്ടു വന്നിരിക്കുന്നു.  ചില പ്രത്യെക കാലയളവില്‍ അനുമതി നേടി ആരംഭിച്ച പാറമടകള്‍ക്ക്
ബാധകമല്ല ഈ വിധി എന്ന സര്‍ക്കാരിന്‍റെ നിലപാട് പഴുതാക്കി മൈനിംഗ് ആന്‍ഡ് ജിയോളജി
വകുപ്പ് ഇപ്പോഴും പാറമടകള്‍ക്ക് അനുമതി കൊടുത്തു കൊണ്ടിരിക്കുന്നു.

കുടിവെള്ളവും പുഴയും സംരക്ഷിക്കാന്‍ വേണ്ട കര്‍ശന നിയമ നടപടികള്‍ക്ക് മുതിരാന്‍ സര്‍ക്കാര്‍
മടിക്കുന്നു. കേരളത്തിന്‍റെ അവസാനത്തെ ഹരിതാഭരണവും ഇല്ലാതാക്കുന്ന പാറമടകള്‍ക്കും,
വിഴിഞ്ഞം, ചക്കിട്ടപ്പാറ, എലിയോട്ട് മല പോലുള്ള പദ്ധതികള്‍ക്ക് അനുകൂലമായി നിലകൊള്ളുന്ന ഈ സര്‍ക്കാരിന്‍റെ ഹരിത കേരളം എന്ന പദ്ധതി പ്രഹസനവും ജനങ്ങളെ
പറ്റിക്കാനുള്ള പൊയ്മുഖവുമാണ്.  വരും കാല കേരളത്തിലെ ജീവനും ജീവിതവും കുടിവെള്ളവും
സംരക്ഷിക്കാനുള്ള പോരാട്ടങ്ങള്‍ക്ക് ആം ആദ്മി പാര്‍ട്ടി നേതൃത്വം നല്‍കും.

സീ.ആര്‍. നീലകണ്ഠന്‍
കണ്‍വീനര്‍,
ആം ആദ്മി പാര്‍ട്ടി കേരളം

Posted in Uncategorized | Leave a comment

രക്തസാക്ഷി ദിനത്തില്‍ എഎപി കേരള കണ്‍വീനറുടെ സന്ദേശം

എറണാകുളം, ജനുവരി 29

പ്രിയ ആം ആദ്മി സുഹൃത്തുക്കളേ,

ജനുവരി  30 രക്തസാക്ഷി ദിനമാണല്ലോ. മഹാത്മാ ഗാന്ധിയുടെ നേരേ ഒരു വര്‍ഗീയ ഫാസിസ്റ്റ് നിറയൊഴിച്ചതിന്റെ ഓര്‍മ ദിവസം. ഇന്ന് നമ്മുടെ രാജ്യം ഭരിക്കുന്നത് അതേ വര്‍ഗീയ വാദികളുടെ നേതൃത്വത്തിലാണല്ലോ. മഹാത്മജിയെ വധിച്ചവന് ക്ഷേത്രം നിര്‍മിക്കുന്നവര്‍. അതു കൊണ്ടു തന്നെ ഈ രക്ത സാക്ഷി ദിനം നാം ഒരു പ്രചരണാവസരം ആക്കണം.

ഒട്ടനവധി മനുഷ്യരുടെ ജീവത്യാഗം കൊണ്ടു നാം നേടിയ സ്വാതന്ത്ര്യവും ജനാധിപത്യവും ഒറ്റയടിക്കു് തകര്‍ക്കാന്‍ ഇവര്‍ ശ്രമിക്കുമ്പോള്‍ നാം നിഷ്ക്രിയരായിരുന്നാല്‍ നമ്മളും അതിനു കൂട്ടുനിന്നു എന്നു തന്നെ ചരിത്രം വിലയിരുത്തും. അതു പാടില്ല. സാധാരണ പതിവു പരിപാടികള്‍ക്കു പുറമേ നാം വ്യത്യസ്തമായി പ്രവര്‍ത്തിക്കണം.

ഇതു സംബന്ധിച്ചു ചില സൂചനകള്‍ മാത്രം നല്‍കാം. ഓരോരുത്തര്‍ക്കും സ്വന്തമായി ആലോചിച്ച് മറ്റു കാര്യങ്ങളും ചെയ്യാം.

1.    ഇന്ത്യയുടെ ചരിത്രത്തിലെ രക്തസാക്ഷികളുടെ ചിത്രങ്ങളും ചെറിയ ചരിത്രവും വഴിയരുകില്‍ ഒരു തുണിയില്‍ കെട്ടി പ്രദര്‍ശിപ്പിക്കാം. കഴിയുമെങ്കില്‍ തൊട്ടടുത്ത സ്കൂളില്‍ ഇതു പ്രദര്‍ശിപ്പിക്കാം. ഗാന്ധിജിക്കു പുറമേ ഭഗത് സിങ്, രാജ്ഗുരു, ജാലിയന്‍ വാലാ ബാഗ് രക്തസാക്ഷികള്‍, മലബാര്‍ കലാപത്തിലെ രക്ത സാക്ഷികള്‍, കയ്യൂര്‍, കരിവെള്ളൂര്‍, പുന്നപ്ര, വയലാര്‍, വേലുത്തമ്പി, പഴശ്ശി രാജ, കുഞ്ഞാലി മരിക്കാര്‍…. ഇങ്ങനെ എത്ര പേര്‍. ഇതു പ്രാദേശിക പ്രാധാന്യം അനുസരിച്ചും ആകാം.

2.    അവരവരുടെ പ്രദേശത്തുള്ളവര്‍ക്കു മുന്‍ഗണന നല്‍കണം.

3.    ഇവരെ പറ്റി സംസാരിക്കാന്‍ കഴിയുന്നവരുടെ ചെറിയ പ്രഭാഷണങ്ങള്‍ ആകാം.

4.    സ്വാതന്ത്ര്യ സമരത്തില്‍ പങ്കെടുത്തവര്‍ ജില്ലയില്‍ ഉണ്ടെങ്കില്‍ അവരെ സന്ദര്‍ശിക്കാം. അവരൊത്തു ഫോട്ടോ എടുത്ത് ഫേസ് ബുക്കില്‍ ഇടാം.

5.    ഏതെങ്കിലും രക്തസാക്ഷി സ്മാരകങ്ങള്‍ അടുത്തുണ്ടെങ്കില്‍ അവ സന്ദര്‍ശിക്കാം. മിക്ക സ്മാരകങ്ങളും നശിപ്പിക്കപ്പെട്ട അവസ്ഥയിലാകും ഉള്ളതു്. നമുക്കവ വൃത്തിയാക്കാം.

ഇനിയും പലതും നിങ്ങള്‍ ആലോചിച്ചാല്‍ കഴിയും. കുറച്ചു സമയമേ ഉള്ളൂ. നാട്ടുകാര്‍ രക്തസാക്ഷികളെ മറന്നാല്‍ അത് നമ്മുടെ കുറ്റമാണ്.

വേണ്ടത് ചെയ്യുക.

സ്നേഹപൂര്‍വം

നിങ്ങളുടെ കണ്‍വീനര്‍
സി. ആര്‍. നീലകണ്ഠന്‍

Martyr

Posted in Aam Aadmi Party | Tagged | 1 Comment

എഎപി കേരള കൺവീനരുടെ റിപബ്ലിക് ദിന സന്ദേശം

എറണാകുളം, ജനുവരി 26

പ്രിയ ആം ആദ്മി സുഹൃത്തുക്കളേ,

ഇന്ത്യയുടെ അറുപത്തിഏഴാമത് റിപ്പബ്ലിക് ദിനം ആണ് ഇത്.  ഒരു മതേതര ജനാധിപത്യ സോഷ്യലിസ്റ്റ് റിപ്പബ്ലിക് ആണ് നമ്മുടെ രാജ്യം എന്നു് ഭരണഘടനയില്‍ എഴുതി വച്ചിട്ടുണ്ടു്. എന്നാല്‍ അത്തരമൊരു രാജ്യം സൃഷ്ടിക്കാന്‍ നമുക്കു കഴിഞ്ഞുവോ? ഇല്ലെങ്കില്‍ എന്തുകൊണ്ട് കഴിഞ്ഞില്ലാ എന്നു ചിന്തിക്കേണ്ട ബാധ്യത നമുക്കില്ലേ?

സമത്വം എന്നത് ഭരണഘടനയുടെ അടിസ്ഥാന തത്വം ആണ്. എന്നാല്‍ നമുക്കു് ഇപ്പൊഴും രോഹിത് വെമ്മൂലമാര്‍ ഉണ്ടാകുന്നു. ഭരണഘടനയില്‍ തനിക്ക് ഏറ്റവും പ്രിയപ്പെട്ട വകുപ്പു് 17 ആണു് എന്നു ഡാ. അംബേദ്ക്കര്‍ പറഞ്ഞിട്ടുണ്ടല്ലോ. ആയിരക്കണക്കിനു വര്‍ഷങ്ങളായി അടിച്ച്മര്‍ത്തപ്പെട്ടൂ കിടക്കുന്ന ജനങ്ങള്‍ക്കു തുല്യനീതി ഉറപ്പാക്കുന്ന “അയിത്ത നിരോധനം” ആണതു്. “നരന്നു നരന്‍ അശുദ്ധി” കല്‍പ്പിക്കുന്ന ഹീനമായ ദുരാചാരത്തെ ഒരു നിയമം കൊണ്ടു മാത്രം തടയാന്‍ കഴിയില്ലെന്നും അദ്ദേഹത്തിന്നു തന്നെ അറിയാമായിരുന്നു. ഇതു നടപ്പിലാക്കാന്‍ സര്‍ക്കാരുകള്‍ കഠിന പ്രയത്നം ചെയ്യേണ്ടതുണ്ടെന്നും അദ്ദേഹം പലവട്ടം ആവര്‍ത്തിച്ചിരുന്നു.

പല കക്ഷികള്‍ നിരവധി വർഷം രാജ്യം ഭരിച്ചിട്ടും എങ്ങിനെ രോഹിത് മാര്‍ ഉണ്ടാകുന്നു? ഇന്ത്യയിലെ പല സംസ്ഥാനങ്ങളിലും ഇന്നും കടുത്ത വിവേചനം നിലനില്‍ക്കുന്നു. നമ്മുടെ തൊട്ടടുത്ത തമിഴ്നാട്ടില്‍ ഇപ്പോഴും ദളിതര്‍ക്കും മറ്റുള്ളവര്‍ക്കും ചായകുടിക്കാന്‍ വെവ്വേറേ ഗ്ലാസ്സുകള്‍ ആണെന്നു കാണുമ്പോള്‍ നമ്മുടെ അവസ്ഥ വ്യക്തം.

ഇടതുപക്ഷ പ്രസ്ഥാനങ്ങള്‍ക്കു പോലും ഇത്തരം അനീതികള്‍ക്കെതിരേ പോരാടാനുള്ള ശക്തി നഷ്ടമായിരിക്കുന്നു. ഇടതു വിദ്യാര്‍ത്ഥി സംഘടനകള്‍ ആധിപത്യം പുലര്‍ത്തുന്ന കേരളത്തിലെ ക്യാമ്പസ്സുകളില്‍ പോലും ശക്തമായ വേര്‍തിരിവു് കാണുന്നു. ദളിത് വിഭാഗങ്ങളുടെ അവകാശങ്ങള്‍ എന്നതു് പൊതു സമൂഹം എന്നു വിളിക്കുന്ന സവര്‍ണ്ണ വിഭാഗങ്ങളുടെ സൗജന്യമാണെന്നു് കരുതുന്നവരാണെന്നും അവര്‍ കരുതുന്നു.

ഇത്തരമൊരു അവസ്ഥ മാറ്റപ്പെടാതെ ഒരു നിയമം കൊണ്ടും ഫലമുണ്ടാകില്ലെന്നും മനസ്സിലാക്കണം. യഥാര്‍ത്ഥ ഇന്ത്യ എന്നാല്‍ വിവേചനം  ഇല്ലാത്ത ഇന്ത്യ ആണു്. ഇതിനു മനുഷ്യ മനസ്സിലും മാറ്റം വരണം.

അതിനായി പ്രവര്‍ത്തിക്കും എന്നു് ഈ ദിനത്തില്‍ നാം പ്രതിജ്ഞ എടുക്കണം. പ്രവര്‍ത്തിക്കുകയും വേണം.

എല്ലാവര്‍ക്കും റിപ്പബ്ലിക് ദിന ആശംസകള്‍

സ്നേഹപൂര്‍വം
നിങ്ങളുടെ കണ്‍വീനര്‍

Republic

Posted in Uncategorized | 2 Comments

ബഹുമാനപ്പെട്ട കേരളാ മുഖ്യമന്ത്രിക്ക് തുറന്ന കത്ത്

എറണാകുളം
16-1-2016

ബഹുമാനപ്പെട്ട കേരളാ മുഖ്യമന്ത്രിക്കു്,

കേരള ക്രിക്കറ്റ് അസോസിയഷന്‍ പ്രവര്‍ത്തനങ്ങള്‍ സംബന്ധിച്ചു് നിരവധി പരാതികള്‍ താങ്കള്‍ക്കും ലഭിച്ചിരിക്കുമെന്നു കരുതുന്നു. പ്രമുഖ ഭരണ പ്രതിപക്ഷ നേതാക്കള്‍ക്കു തന്നെ നേരിട്ട് പങ്കുള്ളതും അവര്‍ പിന്തുണക്കുന്നതുമായ വന്‍കൊള്ളകള്‍ നടക്കുന്നതു തടയണമെന്ന്‍ ആവശ്യപ്പെടുന്നു.

വെറും റിയല്‍ എസ്റ്റേറ്റ് മാഫിയയായി മാറിയിരിക്കുന്ന കേരളാ ക്രിക്കറ്റ് അസോസിയേഷന്‍റെ ഭൂമിയിടപാടുകളും മറ്റു് അഴിമതികളും സംബന്ധിച്ച് നിരവധി കേസുകള്‍ ഇപ്പോള്‍ നിലവിലുണ്ട്. ഇടക്കൊച്ചി, തൊടുപുഴ സ്റ്റേഡിയങ്ങള്‍ക്കെന്ന  പേരില്‍ വാങ്ങിക്കൂട്ടിയ ഭൂമികളെല്ലാം ഇതില്‍പെടുന്നു. ഇവര്‍ വാങ്ങിക്കൂട്ടിയ അനധികൃത ഭൂമിയെ ഭൂപരിധിനിയമത്തില്‍ നിന്ന്‍ ഒഴിവാക്കിക്കൊടുക്കാന്‍ ഉന്നതങ്ങളില്‍ സമ്മര്‍ദ്ദം തുടരുന്നുണ്ട്. സ്റ്റേഡിയം എന്ന് ആവശ്യത്തിന്റെ മറവില്‍ ഇവര്‍ ഭൂമി  വാങ്ങാന്‍ കരാര്‍ എഴുതി അതു വാങ്ങാതെ പണം നഷ്ടപ്പെടുത്തിയതടക്കമുള്ള ആപണങ്ങളാണതു്.

ക്രിക്കറ്റെന്ന ജനപ്രിയ കളിയുടെ മറവില്‍ നടന്ന വന്‍കൊള്ളക്ക് മാറിമാറി വന്ന ഭരണകൂടങ്ങള്‍ ഒരുപോലെ നേതൃത്വം നല്‍കുന്നതിന്‍റെ ചിത്രങ്ങള്‍ ദില്ലി ജില്ലാ ക്രിക്കറ്റ് അസോസിയേഷന്‍റെ അഴിമതിക്കഥകളിലൂടെ പുറത്തുവന്നിരിക്കുന്നു. ദില്ലിയില്‍ അധികാരത്തിലിരിക്കുന്ന സര്‍ക്കാരിന്റെ ഇടപെടല്‍ മൂലം മാത്രമാണ്.

ഇതിനു തുല്യമായതോ കൂടുതല്‍ ഗൗരവമുള്ളതോ ആയ വന്‍അഴിമതിയുടെ ചെളിക്കുണ്ടിലാണ് കേരളാ ക്രിക്കറ്റ് അസോസിയേഷനും എന്ന യഥാര്‍ത്ഥ്യം പൊതുസമൂഹത്തിനു ബോധ്യപ്പെട്ടിരിക്കുന്നു. ദില്ലിയില്‍ ഉന്നത തല അന്വേഷണത്തിനു, നിഷ്പക്ഷത തെളിയിച്ച മുതിര്‍ന്ന അഭിഭാഷകന്‍ ഗോപാല്‍ സുബ്രഹ്മണ്യത്തിന്റെ നേത്രുതത്തിലുള്ള സമിതിയേയാണു് നിയോഗിച്ചിട്ടുള്ളതു്. . ദില്ലി ജില്ല ക്രിക്കറ്റ് അസോസിയേഷന്‍ അഴിമതി വിഷയത്തില്‍ ദില്ലി സര്‍ക്കാര്‍ സ്വീകരിച്ച മാത്രുകാപരമായ സമീപനം ഇവിടേയും താങ്കളുടെ സര്‍ക്കാര്‍ സ്വീകരിക്കണമെന്നു് ഞങ്ങള്‍ അഭ്യര്‍ത്ഥിക്കുന്നു

ഒര സാഹചര്യത്തിലും ഭൂപരിധി നിയമത്തില്‍ ഇവര്‍ക്കു് യാതോരു വിധ ഇളവുകളും അനുവദി ക്കരുതെന്നും ഞങ്ങള്‍ ആവശ്യപ്പെടുന്നു.

വിശ്വസ്ഥതയോടെ

സി. ആര്‍. നീലകണ്ഠന്‍
കണ്‍വീനര്‍

Posted in Aam Aadmi Party | Tagged , , , | 1 Comment

എഎപി കണ്‍വീനറുടെ സന്ദേശം.

പ്രിയ ആം ആദ്മി സുഹ്രുത്തുക്കളേ,

നമ്മുടെ പാര്‍ട്ടിയെ മുന്നോട്ടു് നയിക്കുന്നതിനുള്ള “ആപ് ഫോര്‍വേര്‍ഡ്” എന്നതിന്റെ പ്രധാന ഘടകം സംഘടനയെ ശക്തിപ്പെടുത്തുക എന്നതു തന്നെയാണല്ലോ. ഇതിനൊപ്പം പാര്‍ടിയുടെ നിലനില്‍പ്പു് ജനങ്ങളെ ബോദ്ധ്യപ്പെടുത്തുന്ന വിധത്തില്‍ വിവിധ വിഷയങ്ങളില്‍ ഇടപെടുകയും വേണം.
രോഹിത് വെമ്മുലേയുടെ വിഷയം വളരെ പെട്ടെന്നു വന്ന ഒന്നാണു് എന്നതിനാല്‍ തയ്യാറെടുപ്പുകള്‍ സാദ്ധ്യമായിരുന്നില്ല. കഴിയുന്നത്ര ജില്ലകളിലെ കണ്‍വീനര്‍മാരെയും മറ്റു വളന്റിയര്‍മാരേയും അറിയിക്കുക എന്നതു മാത്രമേ സാദ്ധ്യമായിരുന്നുള്ളു. അവരവര്‍ക്കു കഴിയുന്ന വിധത്തില്‍ പ്രതിഷേധിക്കാന്‍ അഭ്യര്‍ഥിക്കുകയായിരുന്നു. കുറച്ചിടങ്ങളില്‍ അതു നടന്നു എന്നറിഞ്ഞു. മറ്റിടങ്ങളിലെ വിവരങ്ങള്‍ കിട്ടാനുണ്ടു്.

ജില്ല- സംസ്ഥാന നേത്രുത്വങ്ങള്‍ തമ്മിലുള്ള ആശയവിനിമയത്തിനു ഇനിയും ചില വിടവുകള്‍ ഉണ്ടു്. അതു തീര്‍ക്കുന്നതാണു് ആദ്യ നടപടി. ഇതിനു എല്ലാ ജില്ലകളിലും ഐക്യത്തോടെ പ്രവര്‍ത്തിക്കുന്ന ടീമുകള്‍ വേണം. അങ്ങിനെ വന്നാല്‍ മാത്രമേ നമ്മുടെ പ്രചരണ പ്രവര്‍ത്തനങ്ങള്‍ ഫലപ്രദമാകൂ. ഒറ്റ മെയില്‍/ഫോണ്‍ വഴി എല്ലാ ജില്ലകളിലും എത്തും. തന്നേയുമല്ലാ ഇത്തരം സുപ്രധാന വിഷയങ്ങളില്‍ സ്വയം പ്രവര്‍ത്തിക്കനും ജില്ലാ നേത്രുത്വങ്ങള്‍ക്കു് കഴിയുകയും വേണം..ഇത്തരം വീഴ്ചകള്‍ ഭാവിയില്‍ ഉണ്ടാകാതിരിക്കാന്‍ ശ്രമിക്കണം.

മിനുറ്റിന്റെ മലയാളം പരിഭാഷ ഇറങ്ങാന്‍  വൈകിയതിനേ ഒരു തരത്തിലും ന്യായീകരിക്കുന്നില്ല. പക്ഷെ ടീമിനു ഇതു വരെ സ്വന്തമായി ഒരു ഓഫീസോ സെക്രട്ടറിയൊ ആയിട്ടില്ല എന്നതായിരുന്നു പ്രശ്നം. അതു വന്നാല്‍ ഇത്തരം കാലതാമസങ്ങള്‍ ഒഴിവാക്കാമെന്നു കരുതുന്നു.
ഫെബ്രുവരി മാസം സംഘടനയില്‍ കേന്ദ്രീകരിക്കാനാണു` സംസ്ഥാന ടീമിന്റെ തീരുമാനം.. ഇതിന്റെ ഒട്ടേറെ വിശദാംശങ്ങള്‍ മിനുറ്റ്സില്‍ നല്‍കിയിരുന്നല്ലോ. ഇതിലൂടെ ഒരു ജില്ലയില്‍ ഉള്ള എല്ലാ വളന്റിയര്‍മാരെയും നേരില്‍ കാണാമെന്നും പ്രതീക്ഷിക്കുന്നു. ഇതു് ഒരു അന്വേഷണമോ തെളിവെടുപ്പോ കുറ്റവിചാരണയോ അല്ല. മറിച്ചു് ഇനി നാം എങ്ങനെ മുന്നോട്ടു പോകണം എന്ന കൂടിയാലോചന ആണു്.

“ ഇന്നലേ” കളെ പറ്റി പരസ്പരം തര്‍ക്കിച്ചു കളയാന്‍ നമുക്കു സമയം ഇല്ല. അത്തരം വിഷയങ്ങള്‍ ഇതിനു മുന്‍പു തന്നെ കണ്‍വീനറോ മറ്റു് അംഗങ്ങളോ നേരിട്ടോ മറ്റു വിധേനയൊ പരിഹരിക്കാന്‍ ശ്രമിക്കും. ശേഷിക്കുന്നു എങ്കില്‍ പിന്നീടു് അതു തുടരാം. ഇക്കാര്യത്തില്‍ ഓരോ വളന്റ്യര്‍മാരുടെയും സഹകരണം ഉണ്ടാകണമെന്നും അഭ്യര്‍ഥിക്കുന്നു.

മറക്കാനും പൊറുക്കാനും നമുക്കു കഴിയണമല്ലോ. അതല്ലാതെ നമുക്കു മുന്നില്‍ മറ്റു വഴികള്‍ ഇല്ല.
സംസ്ഥാന ടീമടക്കം എല്ല വളന്റിയര്‍മാരും സ്വന്തം ശേഷിയും പരിമിതികളും പരസ്പരം മനസ്സിലാക്കി ഒരു ടീമായി തന്നെ മുണോട്ടു പോകണം. ഓരോരുത്തര്‍ക്കും എന്തൊക്കെ പാര്‍ട്ടിക്കു വേണ്ടീ ചെയ്യാന്‍ കഴിയുമെന്നു സ്വയം കണ്ടെത്തി അതു സ്വയം ഏറ്റെടുക്കണം.

മറ്റൊരാള്‍ എന്തു ചെയ്യുന്നു എന്നതിനെ വിമര്‍ശിക്കാം. പക്ഷെ അതു സ്വന്തം കടമ നിര്‍വ്വഹിച്ച ശേഷം ആകണം എന്നു മാത്രം. എല്ലാ വളന്റിയര്‍മാരുടെയും പ്രവര്‍ത്തനങ്ങള്‍ മാസം തോറും സ്വയവും അതാതു് കമ്മിറ്റികള്‍ വഴിയും വിലയിരുത്തപ്പെടണം. എല്ലവര്‍ക്കും അക്കൗന്റബിലിറ്റി ഉണ്ടാകണം.. തനിക്കു കഴിയില്ലെങ്കില്‍ തുറന്നു പറയണം. പാര്‍ടിക്കു ദോഷം ഉണ്ടാകരുതു്. വിമര്‍ശനങ്ങള്‍ ആകാം. പക്ഷെ ആദ്യം അതു് സ്വന്തം വേദികളിള്‍ ആകണം. ആര്‍ക്കും സ്വന്തം കുറവു നികത്താന്‍ അവസരം കൊടുക്കണം.

ജില്ലകളിള്‍ ഒരു ശക്തമായ, ഐക്യമുള്ള ടീം ഉണ്ടാക്കലാണു് ആദ്യ പടി. പിന്നെ താഴേ തട്ടിലും ഇതു വരണം.

ഓരോരുത്തരും തങ്ങളുടെ ഫോം പൂരിപ്പിച്ചു തരണം. അതിന്റെ കരടു രൂപം നിങ്ങളുടെ ചര്‍ച്ചക്കായി ആദ്യം പ്രസിദ്ധീകരിക്കുന്നുണ്ടു്. അതില്‍ നിങ്ങളുടെ അഭിപ്രായങ്ങള്‍ ഉണ്ടെങ്കില്‍ കഴിയുന്നതും നേരത്തേ തന്നാല്‍ ആദ്യം മുതല്‍ തന്നേ ആവശ്യമായ മാറ്റങ്ങള്‍ വരുത്താം. അതിനു കഴിയാത്തവര്‍ സ്വന്തം ജില്ലകളില്‍ ഇതു പൂരിപ്പിക്കുമ്പോള്‍ അധിക വിവരങ്ങള്‍ കൂടി തരിക. നമ്മുടെ മുന്നിലുള്ള നിരവധി കടമകള്‍ നമ്മള്‍ തന്നെ ചെയ്യണം. അതിനു ശേഷിയും സന്നദ്ധതയും സമയവും ആരോഗ്യവും ഉള്ളവര്‍ സ്വയം മുന്നോട്ടു വരണം.

ഇവിടെ അധികാരമല്ല കടമകള്‍ മാത്രമാണു നമുക്കു് ഓരോരുത്തര്‍ക്കുമുള്ളതു്. ജില്ല യോഗങ്ങളില്‍ ഏതെങ്കിലും വിധത്തില്‍ പങ്കെടുക്കാന്‍ കഴിയാത്തവര്‍ക്കു ഈ ഫോം ഇ-മയില്‍ വഴിയോ മറ്റൊരാള്‍ വഴിയോ ഒക്കെ അയക്കാം. ദീര്‍ഘകാല പ്രവര്‍ത്തനങ്ങള്‍ക്കു് അതു പ്രയോജനപ്പെടും.
പ്രവാസി സുഹ്രുത്തുക്കള്‍ക്കും ഇതു് പൂരിപ്പിച്ചു നല്‍കാം. അവര്‍ ജോലി ചെയ്യുന്ന നാട്ടീലും സ്വന്തം നാട്ടില്‍ വരുമ്പോഴും എന്തെല്ലം ചെയ്യാന്‍ കഴിയുമെന്നും നമുക്കറിയാമല്ലോ. അതിനനുസരിച്ചു കാര്യങ്ങള്‍ ആസൂത്രണം ചെയ്യാം.

എറണാകുളത്തു നമുക്കിനി സ്വന്തമായി ഒരു ഓഫീസും മറ്റു സൗകര്യങ്ങളും വേണം. ഓഫീസ് സെക്രട്ടറിയും വേണം. മറ്റു നിരവധി ചിലവുകള്‍ ഉണ്ടാകുമല്ലോ. ഇതിനു വേണ്ടി പാര്‍ടി നിയങ്ങള്‍ പാലിച്ചു കൊണ്ടു് ഫണ്ടു് സമാഹരിക്കണം. ഇത്നായി ചില പ്രാഥമിക നിര്‍ദ്ദേശങ്ങള്‍ ഇനി പറയുന്നു. ഓരോരുത്തഋക്കും കഴിയും വിധത്തില്‍ എന്തു ചെയ്യാമെന്നും മുന്‍പു പറഞ്ഞ ഫോമില്‍ എഴുതണം.

1. ഒരു നിശ്ചിത തുക വീതം പ്രതിമാസം/ വര്‍ഷം നല്‍കാമെന്നുള്ള ഉറപ്പ്.
2. പ്രവാസികളില്‍ നിന്നോ മറ്റു വളന്റിയര്‍മാരില്‍ നിന്നോ ഇന്ത്യന്‍ ബാങ്കുകളിലെ ചെക്കു് ആയും സ്വീകരിക്കാം.
3. ”ആപ് ക ദാന്‍” വഴി പണമായി സ്വീകരിച്ചു് രശിതി നൽകാം.

ഇതെങ്ങനെ ശേഖരിക്കമെന്നു ചര്‍ച്ചയിലൂടെ തീരുമാനിക്കാം.
അടിയന്തിരമായി ജില്ലകളില്‍ നടക്കുന്ന കൂടിച്ചേരലുകളിൽ മുഴുവന്‍ പേരേയും എത്തിക്കാന്‍ നമ്മള്‍ എല്ലാവരും ചെയ്യാവുന്നതു് മുഴുവന്‍ ചെയ്യണം. ഇതു ഒരു കമ്മിറ്റിയുടെ മാത്രം ചുമതല അല്ല. പ്രവാസികള്‍ അടക്കം എല്ലാവരും ഇതിനായി ശ്രമം തുടങ്ങണം.

ബാക്കി വിഷയങ്ങള്‍ നിരവധി ഉണ്ടു്. അതു പിന്നീടു്.
സ്നേഹപൂര്‍വ്വം
നിങ്ങളുടെ കണ്‍വീനര്‍
സി. ആര്‍.നീലകണ്ംന്‍

aapfwrd

Posted in Uncategorized | Leave a comment